धूम्रपान करणे आरोग्यासाठी हानिकारक आहे. मात्र असे असूनही लोक धूम्रपानाच्या व्यसनाला बळी पडत आहेत. धूम्रपान कोणासाठीही सुरक्षित नाही. विशेषतः, गर्भधारणेदरम्यान धूम्रपान करणे आई आणि न जन्मलेल्या मुलासाठी धोकादायक आहे. सिगारेटच्या पफमध्ये अनेक हानिकारक रसायने असतात, जी आईसोबतच गर्भालाही हानी पोहोचवतात.
केवळ धूम्रपान करणार्‍या लोकांचेच नाही तर पॅसिव्ह स्मोकर्स अर्थात सिगारेट ओढणार्‍या लोकांसोबत उभ्या असलेल्या इतर लोकांचेही आरोग्य धोक्यात येते. गर्भधारणेदरम्यान कोणी सिगारेट ओढत असेल तर काळजी घ्या असे तज्ज्ञांचे म्हणणे आहे. चला जाणून घेऊया गरोदरपणात धूम्रपानाचे काय तोटे आहेत.
ऑक्सिजनची कमतरता
धूम्रपानाचा थेट परिणाम फुफ्फुसावर होतो. धूम्रपानामुळे गर्भवती महिलेच्या हृदयाचे ठोके आणि रक्तदाब वाढतो. त्यामुळे ऑक्सिजनची पातळी कमी होते. यामुळेच गर्भाशयात वाढणाऱ्या बाळाला योग्य ऑक्सिजन मिळत नाही. त्यामुळे बालकाचाही मृत्यू होतो. आरोग्य तज्ज्ञांच्या मते, तुम्ही गरोदरपणात धूम्रपान टाळले पाहिजे.
बाळाचे वजन कमी होणे
गरोदरपणात धूम्रपानाचा सर्वाधिक परिणाम मुलांवर दिसून येतो. गरोदरपणात धूम्रपानाचा थेट परिणाम न जन्मलेल्या मुलाच्या वजनावर होतो. त्यामुळे बालमृत्यूच्या धोक्यांनाही चालना मिळते. अशा स्थितीत गरोदरपणात धूम्रपान अजिबात करू नये.
दृष्टी आणि श्रवण कमी होणे
तुम्हाला हे जाणून आश्चर्य वाटेल की सिगारेटमुळे तुमच्या मुलाच्या ऐकण्याच्या आणि पाहण्याच्या क्षमतेवरही परिणाम होतो. तुमचे मूल श्रवण आणि दृष्टी कायमचे गमावू शकते. बाळाला सुरक्षित ठेवण्यासाठी, गर्भधारणेदरम्यान धूम्रपान टाळणे आवश्यक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
