Snacks Recipe : बटाट्याची साल फेकू नका, त्यापासून बनवा ही सोप्पी क्रिस्पी आणि क्रंची स्नॅक्स रेसिपी

Snacks Recipe :

बटाट्याची भाजी प्रत्येक घरात बनवली जाते. बटाट्याचे खास वैशिष्ट्य म्हणजे तो प्रत्येक भाजीत स्वत:ला ऍडजस्ट करतो. एखाद्या भाजीत मीठ जास्त झालं तर उकडलेला बटाटा त्यात मॅश करून घातल्याने ती भाजी खारट लागत नाही.

बटाट्याची भाजी तुम्ही नेहमीच खाल्ली असेल पण, बटाट्याच्या सालीपासून बनलेली एक चटपटीत रेसिपी आज आपण पाहणार आहोत. (Potato Peel)

तुम्हाला माहीत आहे का बटाट्याच्या सालीचे अनेक फायदे आहेत. बटाट्याची त्वचा व्हिटॅमिन सी, बी लोह, कॅल्शियम, पोटॅशियम आणि इतर अनेक पोषक तत्वांनी समृद्ध मानली जाते. याव्यतिरिक्त तुमची त्वचा, केस आणि हाडे सुधारण्यास मदत करू शकते. (Recipe)

यासाठी लागणारे साहीत्य-

• बटाट्याची साल

• जीरा पावडर

• लाल तिखट

• मीठ आणि तेल

कृती

1. सर्वात आधी बटाटे स्वच्छ धुवून त्याची साल काढून घ्या.

2. त्यानंतर या साली एका भांड्यात घेऊन त्याला जिरे पावडर, लाल तिखट आणि मीठ चोळून घ्या.

3. यानंतर गॅसवर कढईत तेल तापायला ठेवा. तेल कडक झालं की बटाट्याच्या साली त्यामध्ये तळून घ्या.

4. साधारण १० मिनिटे मंद आचेवर तळून घ्या. ज्यामुळे बटाट्याच्या साली अधिकच कुरकुरीत होतील.

5. तुम्ही फ्रेंच फ्राईजसारखेच सॉस, ग्रीन चटणी, मेयोनिजसोबत या आगळ्या वेगळ्या पोटॅटो पील चिप्स एन्जॉय करू शकता.