मानसिक ताण कमी होण्यासाठी आहारात करा व्हिटॅमिन C चा समावेश

अनेक शारीरिक दुखण्यामागे मानसिक ताण हे महत्त्वाचं कारण असू शकतं. मानसिक ताण आल्यावर चिंता, निद्रानाश, वजन वाढणे, भूक मंदावणे अशा अनेक समस्या निर्माण होतात. त्यामुळे या समस्या टाळायच्या असतील तर मुळात मानसिक ताण कमी करणं गरजेचं आहे. मानसिक ताण निर्माण होण्यामागे अनेक कारणं असतात. मात्र, त्या ताणाचं नियोजन कसं करायचं हे आपल्या हातात आहे. जर तुम्ही जेवताना सुद्धा सतत विचार करत असाल तर सहाजिकच मनावर ताण येऊन हे विचार सतत तुमच्या डोक्यात व मनात घोळत राहतात. म्हणूनच, मानसिक ताण नियंत्रणात आणण्यासाठी आणि तो कमी करण्यासाठी आहारात कोणत्या पदार्थांचा समावेश करावा हे जाणून घेणं अत्यंत गरजेचं आहे. त्यातच व्हिटॅमिन C चं सेवन केल्यामुळे मानसिक ताण नियंत्रणात येतो असं दिल्लीतील प्रसिद्ध न्युट्रिशनिस्ट लवनीत बत्रा यांनी सांगितलं आहे. म्हणूनच, व्हिटॅमिन C चं सेवन केल्यावर मानसिक आरोग्य कसं निरोगी राहतं ते पाहुयात. (stress-reducing-foods-consuming-foods-rich-in-just-this-vitamin-c-can-take-your-stress-away-from-the-root-ssj93)

आहारात करा व्हिटॅमिन C चा समावेश

मानसिक ताण कमी करायचा असेल तर आहार आणि लाइफस्टाइल या दोन्ही गोष्टींकडे लक्ष देणं अत्यंत गरजेचं आहे. मानसिक ताण नियंत्रणात आणण्यासाठी आहारात व्हिटॅमिन C युक्त पदार्थांचा जास्तीत जास्त समावेश केला पाहिजे. व्हिटॅमिन C मध्ये मोठ्या प्रमाणावर अँटीऑक्सिडेटचं प्रमाण असतं. त्यामुळे चिंता, मानसिक ताण कमी करण्यास मदत होते, असं डॉ. लवनीत म्हणाल्या.

व्हिटॅमिन C कोणत्या पदार्थांमधून मिळेल?

शरीरातील व्हिटॅमिन C ची कमतरता भरुन काढण्यासाठी आहारात लिंबू, आवळा, बेलपेपर, स्ट्रॉबेरी यांचा समावेश केला पाहिजे.

व्हिटॅमिन C च्या सेवनाचे फायदे -

व्हिटॅमिन C मुळे रोगप्रतिकारक शक्ती वाढते, माइंड फंक्शन, त्वचा यांचं आरोग्य सुधारण्यास मदत मिळते.