Health Tips: व्यायाम करताना त्वचेची काळजी अशी घ्या! अन्यथा तुमच्या चेहऱ्याचं होईल नुकसान

व्यायाम करणं शरीर आणि त्वचा दोघांसाठीही खूप फायदेशीर ठरतं. तुम्हाला माहित आहे का की त्वचेची काळजी घेताना काही चुका तुमची त्वचा देखील खराब करू शकतात. व्यायाम करताना खास करून या गोष्टींची काळजी घ्यावी लागते कारण व्यायाम केल्याने आपल्याला खूप घाम येतो.

तुम्ही जर घाम साफ केला नाही तर तुमच्या त्वचेला अनेक समस्यांना सामोरे जावे लागू शकते. तुम्ही जर रोज जिममध्ये जात असाल तर तुम्ही काही हेल्दी केअर टिप्सचा अवलंब अवश्य करा.

वर्कआउट स्किन केयर टिप्स-

स्किन क्लीन करा

तुम्ही वर्कआउटपूर्वी चेहरा स्वच्छ करणं खूप गरजेचं आहे. त्वचेवर जमा झालेली घाण यामुळे साफ होते. आपला चेहरा व्यायाम करण्यापूर्वी फेस वॉशने स्वच्छ करावा. असे केल्याने आपल्याला त्वचेचा संसर्ग होत नाही.

सनस्क्रीन लावा

तुम्ही जर व्यायाम करत असाल तर सनस्क्रीन नक्की लावा. आपल्या त्वचेला व्यायाम करतानाही संरक्षणाची गरज असते. सनस्क्रीनचा वापर फक्त बाहेर पडतानाच केला जातो असे काही लोकांना असे वाटते, परंतु हे चुकीचे आहे कारण सनस्क्रीनचा वापर केवळ उन्हातच नाही तर सावलीतदेखील केला जातो.

मेकअप लावू नका

व्यायामा दरम्यान काही महिला मेकअप करतात जे तुमच्या त्वचेसाठी हानिकारक ठरू शकतात. अशा वेळी तुम्हाला मुरुम आणि इन्फेक्शनची समस्या होऊ शकते. त्यामुळे व्यायामादरम्यान मेकअप करणे टाळा.