Temple jewelery च्या धर्तीवर टेंपल साडीची हवा!

Temple Saree: भारतीय महिला असे ज्यावेळी आपण ऐकतो तेव्हा साडी नेसलेली महिला आपल्या सर्वांच्या डोळ्यासमोर येते. परदेशी महिलांमध्येही साडीची क्रेझ हळूहळू निर्माण झाली आहे. भारतात साड्यांचे हजारो प्रकार आहेत. आता या प्रकारात आणखी एक नव्या कोऱ्या डिझाईनची भर पडली आहे.

या डिझाईनचे नाव टेंपल डिझाईन असे असून त्यावर बारीक काम केलेले देवांचे चित्र असणार आहे.याच साडीबद्दल जाणून घेऊयात. आज आम्ही तूम्हाला तामिळनाडूच्या प्रसिद्ध कोनराड साडीबद्दल सांगणार आहोत.

या साडीला मंदिर साडी असेही म्हणतात. ही साडी प्रामुख्याने तमिळनाडूच्या पूर्वेकडील आर्नी, कांचीपुरम, कुंभकोणम, रासीपुरम, सेलम, तंजावर आणि तिरुभुवनम या भागात बनवली जाते.

या साडीचे वैशिष्ट्य म्हणजे ती हाताने विणलेली असून तिचे विणकाम इतर साड्यांच्या विणकामापेक्षा खूपच किचकट आहे.

कोनराड साड्यांमध्ये सुंदर नैसर्गिक घटक, वनस्पती आणि जीवजंतूंनी प्रेरित असलेल्या खास डिझाईन्स आहेत. या साडीला पट्टू किंवा कंपी असे म्हटले जाते.

साडीच्या बॉर्डरवर खास अशी ३ सेमीची डिझाईन असते. त्यामूळे या साडीला वेगळा लुक येतो. याला टेंपल किंवा मुभम साड्या देखील म्हणतात. कारण या साड्यांवर दक्षिण भारतातील प्रसिद्ध अशा मंदिराचे स्वरूप देखील आहे.

या साड्यांची वैशिष्ठ्ये  

या साड्यांच्या बॉर्डरची रुंदी 10 ते 14 सेमी पर्यंत असते. हे कंपियूर पट्टू म्हणून ओळखले जातात. याला खूप पातळ सीमा असतात. पारंपारिकपणे हाताने विणलेल्या, कोनराड साडीच्या किनाऱ्यावर चेक किंवा पट्टे असलेला नमुना असतो.

 साडीच्या शेवटच्या भागावर किंवा पल्लूवर सोनेरी धाग्याचे भरतकाम असते. या साडीच्या सध्याच्या डिझायनर सिरीजमध्ये जरीचे काम करून साडी थोडी लांब केली जाते. या प्रकारच्या साडीमध्ये तुम्हाला अनेक कलर उपलब्ध आहेत.

कोणतीही साडी स्पेशल तेव्हाच बनते जेव्हा तिच्यावर एखादी नक्षीकाम केले जाते. आपल्या मराठी पैठणीचीही खासियतही तिच्यावर असलेले मोराचे नक्षीकाम हेच आहे. या डिझाईनमध्ये तुम्हाला मंदिरे, प्राणी, पक्षी यांचे डिझाईन केले जाते.