Gardening Tips : घरातील वातावरण स्वच्छ ठेवण्यासाठी आणि निरोगी आरोग्यासाठी लावलीच पाहिजेत ‘ही’ झाडे

Gardening Tips : घरामध्ये आपण अनेक प्रकारची झाडे लावतो. अशा प्रकारच्या झाडांना इन-डोअर प्लॅंट्स असे ही म्हटले जाते. या झाडांमध्ये काही झाडे अशी आहेत की, जे आपल्या घरातील वातावरण स्वच्छ ठेवण्यास मदत करतात. काही झाडे चांगली झोप घेण्यास देखील मदत करतात. शिवाय, काही झाडांमुळे आपला मूड देखील सुधारतो, त्यामुळे, आपले मानसिक आरोग्य देखील चांगले राहते.

अनेक जण घरामध्ये अशा प्रकारची इनडोअर झाडे लावतात. खरं तर झाडे लावण्याची प्रक्रिया मानसिक थेरपीपेक्षा काही कमी नाही. झाडे लावणे, ती वाढवणे आणि त्यांची काळजी घेणे हे आपल्या मानसिक आरोग्यासाठी अतिशय फायदेशीर आहे.

आज आपण घरात लावण्यासाठी कोणती झाडे चांगली आहेत? त्याबद्दल जाणून घेणार आहोत. ज्यामुळे, ऑक्सिजनचे प्रमाण वाढते आणि घरातील वातावरण स्वच्छ राहते.

कोरफड

कोरफड ही एक औषधी वनस्पती आहे. या कोरफडीमुळे आपल्या आरोग्याला, त्वचेला आणि केसांना अनेक प्रकारचे फायदे होतात. कोरफडीचा काढलेला गर हा अनेक शारिरीक समस्यांवर रामबाण उपाय आहे.

त्वचेची आणि केसांची काळजी घेण्यासाठी कोरफडचा आवर्जून वापर केला जातो. यामुळे, त्वचेला आणि केसांना छान चमक मिळते. अशा परिस्थितीमध्ये तुम्ही घरात कोरफडीचे झाड लावणे हे फायदेशीर ठरते. (aloevera plant)

बर्ड्स नेस्ट फर्न

या झाडाचे खास वैशिष्ट्य म्हणजे हे झाड पेट फ्रेंडली आहे. या झाडाचा जनावरांना काहीही धोका नाही. हे झाड पेटफ्रेंडली असल्यामुळे, तुम्ही घरामध्ये हे झाड लावू शकता. या झाडामुळे, घरातील हवा शुद्ध आणि खेळती राहण्यास मदत होते.

शिवाय, या झाडाला जास्त सूर्यप्रकाशाची गरज भासत नाही. तुम्ही कमी प्रकाशामध्ये ही हे झाड लावू शकता. या झाडाची जास्त देखभाल करण्याची गरज पडत नाही. (birds nest fern)

स्नेक प्लॅंट

या झाडांची पाने लांब असतात आणि या पानांवर सुंदर अशी डिझाईन असते. त्यामुळे, शोभेचे झाड म्हणून हे झाड घरामध्ये आवर्जून लावले जाते. या झाडामुळे तुमच्या घराला चारचाँद लागतात, यात काही शंका नाही.

या झाडाची जास्त देखभाल करण्याची गरज पडत नाही. जेव्हा या झाडामधील माती कोरडी होते, तेव्हाच, या झाडामध्ये पाणी घालण्याची गरज पडते. या झाडामुळे घरातील वातावरण स्वच्छ राहण्यास मदत होते. (snake plant)