Winter Baby Care : भारतात आता हळूहळू थंडी वाढली आहे. अनेक राज्यांमध्ये कडाक्याची थंडी पडली आहे. हिवाळ्यात खास करून आरोग्याची काळजी घ्यावी लागते. लहानांपासून ते मोठ्यांपर्यंत सर्व जण या दिवसांमध्ये आजारी पडतात.
सर्दी, खोकला आणि फ्लू (Cold, cough and flu) सारख्या संसर्गजन्य आजारांपासून दूर राहण्यासाठी लहान मुलांची खास काळजी घ्यावी लागते. कारण, लहान मुलांची रोगप्रतिकारक शक्ती कमकुवत असते. त्यामुळे, त्यांना या आजारांची लागण लगेच होते.
थंडीच्या दिवसात लहान मुलांची खास काळजी घेण्यासाठी आज आम्ही तुम्हाला काही टीप्स सांगणार आहोत. त्या टीप्सची मदत घेऊन तुम्ही लहान मुलांची काळजी घेऊ शकता. कोणत्या आहेत त्या टीप्स? चला तर मग जाणून घेऊयात.
लहान मुलांना पायांमध्ये शूज घालायची सवय नसते. घरात किंवा आसपासच्य भागात मुले अनवाणीच खेळत असतात. अशावेळी त्यांना वॉटरप्रूफ शूज घालायला द्या. त्यांच्या पायात ऊबदार मोजे घाला. यामुळे, त्यांच्या पायांचे थंडीपासून संरक्षण होईल.
(Protection of feet from cold)
घरातही लहान मुलांच्या पायांमध्ये ऊबदार मोजे घालायला विसरू नका. घरातील फरशीवर थंडावा असतो, अशा स्थितीमध्ये जर मुले घरात मोजे न घालता वावरत असतील तर थंडाव्यामुळे मुलांना ताप येण्याची दाट शक्यता असते. त्यामुळे, यापासून बचाव करण्यासाठी ऊबदार मोजे आणि वॉटरप्रूफ शूज मुलांना अवश्य घाला.
थंडीच्या दिवसात लहान मुलांची काळजी घेण्यासाठी त्यांना टी-शर्ट घालायला सांगतो आणि मग त्यावर जॅकेट किंवा स्वेटर घातले जाते. फक्त एवढचं करून त्यांची काळजी घेणे हे चुकीचे आहे. कारण, यामुळे, मुले लगेच आजारी पडण्याचा धोका असतो.
या दिवसांमध्ये लहान मुलांना मल्टीपल लेअर्समध्ये कपडे घालावेत. ज्यामुळे, त्यांचे थंडीपासून संरक्षण होईल आणि त्यांना ऊब ही मिळू शकेल. यासाठी मुलांना चार-पाच थर असलेले कपडे घालायला द्या. जेणेकरून त्यांना ऊब मिळेल आणि ते आजारी पडणार नाहीत.
(Wear clothes in multiple layers)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
