Hair Care Tips : आजकाल केसांना छान लूक मिळावा यासाठी अनेक महिला आणि तरूणी केस कलर करताना दिसत आहेत. तरूणाईमध्ये तर जणू केस कलर करण्याची क्रेझच निर्माण झाली आहे. केस कलर केल्यानंतर व्यक्तिमत्वाला एक छान लूक मिळण्यास मदत होते.
मात्र, केस कलर केल्यानंतर केसांची योग्य प्रकारे काळजी देखील घ्यावी लागते. हिवाळ्याला नुकतीच सुरूवात झाली आहे आणि सणासुदीचे दिवस देखील आहेत.
जर तुम्ही या थंडीच्या दिवसांमध्ये केस कलर केले असतील तर ते कोरडे होऊ नये म्हणून काही गोष्टी फॉलो करणे गरजेचे आहे. अन्यथा केस कोरडे होण्याचा धोका नाकारता येत नाही.
आज आम्ही तुम्हाला खास कलर केलेल्या केसांसाठी हिवाळ्यात कशी काळजी घ्यायची? त्याबद्दल सांगणार आहोत.
कलर केल्यानंतर केस चुकूनही गरम पाण्याने धुवू नका. केस गरम पाण्याने जर धुतले तर केस आणखी कोरडे आणि कमजोर होण्याची शक्यता असते. या शिवाय, केसांच्या मूळांवर ही यामुळे परिणाम होतो आणि केसांचा रंग खराब होतो. त्यामुळे, हिवाळ्यात कलर केलेले केस धुण्यासाठी गरम पाण्याचा वापर करू नका.
कलर केलेल्या केसांचा रंग टिकवून ठेवण्यासाठी ३ दिवस अर्थात ७२ तासांपर्यंत तरी केस धुवू नका. जर केस लगेच धुतले तर केसांच्या क्युटिकल्सचे नुकसान होण्याची शक्यता असते. त्यामुळे, केस कलर केल्यानंतर ते लगेच धुणे टाळा.
जर तुम्ही चुकूनही केस लगेच धुतले तर, केसांना दिलेल्या रंगाचा टोन बदलू शकतो. त्यामुळे, केस कलर केल्यानंतर लगेच केस धुवू नका.
केसांना कलर प्रोटेक्टेड शॅंम्पू लावल्याने केसांना लावलेला रंग टिकून राहण्यास मदत होते. तसेच, स्काल्पची नैसर्गिक पीएचची पातळी कायम टिकून राहते. जर तुम्ही कलर प्रोटेक्टेड शॅंम्पू न वापरता जर इतर कोणतेही शॅंम्पू वापरले तर केसांना हानी पोहचू शकते. त्यामुळे, केस कलर केल्यानंतर केसांना कलर प्रोटेक्टेड शॅंम्पू लावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
