Lehenga Tips : लग्न सोहळ्यापूर्वी अनेक फंक्शन्स पार पडतात. त्यामध्ये, मेहंदी, संगीत आणि हळद यांचा समावेश होतो. यातील प्रत्येक फंक्शनसाठी नवरा-नवरीसोबतच दोन्ही कुटुंबीय देखील मोठी तयारी करतात.
संगीत फंक्शनसाठी मुली खास करून लेहेंगा परिधान करायला पसंती देतात. संगीत नाईटमध्ये डिझायनर लेहेंगा घालून त्यावर मस्त डान्स परफॉर्मन्स ही आवर्जून दिला जातो. त्यामुळे, हा लेहेंगा खास असावा असे प्रत्येक वधूला वाटते.
परंतु, संगीत फंक्शनसाठी खास लेहेंगा खरेदी करताना काही गोष्टींची काळजी घेणे महत्वाचे आहे. संगीत फंक्शनसाठी लेहेंगा खरेदी करण्यापूर्वी कोणत्या गोष्टी फॉलो करायला हव्यात? आणि कोणत्या गोष्टींची काळजी घ्यायला हवी? या संदर्भातल्या खास टीप्स आम्ही शेअर केल्या आहेत.
संगीत फंक्शनसाठी जो लेहेंगा तुम्ही निवडाल तो जास्त हेव्ही असता कामा नये. लेहेंगा खरेदी करताना तो जास्त हेव्ही वर्क असलेला खरेदी करू नका, त्याऐवजी वजनाने हलका असलेला लेहेंगा खरेदी करा.
जॉर्जेट आणि ऑर्गेंन्झा या फॅब्रिक्सचा लेहेंगा खरेदी करण्यावर भर द्या. कारण, या फॅब्रिकमधील लेहेंग्यामध्ये तुम्हाला कम्फर्टेबल वाटेल आणि तुम्हाला डान्स करायचा असेल तरी काही अडचण येणार नाही. त्यामुळे, चुकूनही हेव्ही वर्क असलेले जसे की, सिक्विन्स, मोती, जरदोसी वर्क असेलेले लेहेंगे संगीत फंक्शनसाठी खरेदी करू नका.
लेहेंग्यावरील दुपट्टा हा अधिक आकर्षक असावा मात्र, तो हेव्ही असता कामा नये. हेव्ही दुपट्टा असेल तर तुम्हाला तो वारंवार सांभाळत बसावे लागेल. शिवाय, तुमचा डान्स परफॉर्मन्स असल्यावर डान्स करताना तो दुपट्टा सारखा मध्येमध्ये येत राहील.
त्यामुळे, ही गडबड टाळण्यासाठी तुम्ही लाईटवेट दुपट्ट्याची निवड करा. जेणेकरून तुम्हाला डान्स करताना कोणतीही अडचण येणार नाही.
संगीत नाईटसाठी जर तुम्हाला लेहेंग्याला स्टायलिश लूक द्यायचा असेल तर दुपट्ट्याची मदत घ्यायला विसरू नका. हा दुपट्टा तुम्ही कशा प्रकारे स्टाईल करता ? यावर तुमचा लेहेंगा लूक अवलंबून असतो.
नेहमीच्या स्टाईलमध्ये दुपट्टा कॅरी करण्यापेक्षा तुम्ही दुपट्टा कॅप सारखा किंवा जॅकेट प्रमाणे स्टाईल करा. यामुळे, तुमच्या संगीत नाईटच्या लेहेंगा लूकला चारचॉंद लागतील यात काही शंका नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
