Health Care News : बद्धकोष्ठतेपासून आराम मिळवण्यासाठी सकाळी रिकाम्या पोटी ही पाने चावा, लवकरच मिळेल आराम

प्रत्येकाच्या स्वयंपाकघरामध्ये कढीपत्ता अगदी सहजासहजी आढळतो. कढीपत्त्याच्या फोडणीमुळे डाळी तसंच भाज्यांची चव अधिक रूचकर होते. पण आरोग्यासाठी त्याचे अनेक फायदे देखील आहेत. वजन कमी करणे आणि हृदयाच्या आरोग्याला चालना देण्यापासून ते सकाळी जाणवणारा थकवा आणि जंतूच्या संसर्गाशी लढा देण्यापर्यंत त्याच्या फायद्यांची यादी मोठी आहे.

पण हे पोटासाठी किती चांगले आहे हे तुम्हाला माहिती आहे का? होय, यामध्ये अनेक पोषक घटक असतात जे तुमची पचनशक्ती सुधारू शकतात आणि तुम्हाला ॲसिडिटी आणि बद्धकोष्ठतेच्या समस्येपासून आराम देतात. जर तुम्हालाही बद्धकोष्ठतेचा त्रास होत असेल तर रिकाम्या पोटी हे पान चावून खाल्ल्याने फायदा होऊ शकतो.

कढीपत्ता बद्धकोष्ठतेसाठी चांगला आहे का?

बद्धकोष्ठतेचा जवळपास सर्वच वयोगटातील लोकांना सामना करावा लागतो. बदलती जीवनपद्धती, चुकीच्या जेवणाच्या सवयी, सकस आहाराचा अभाव, व्यायामाचा अभाव आदी विविध कारणांमुळे बद्धकोष्ठतेचा त्रास सहन करावा लागत असतो. अशा परिस्थितीत तुम्ही तुमच्या आहारात कढीपत्त्याचा समावेश करू शकता. कढीपत्त्यात लेक्सेटीव्ह प्रॉपर्टीज असतात आणि त्यात काही डाइजेस्टिव एन्झाईम्स देखील असतात ज्यामुळे आतड्यांची हालचाल वाढते.

यामध्ये फायबर देखील असते जे पचनक्रिया सुधारते. या व्यतिरिक्त या पानात कार्मिनेटिव गुणधर्म असतात जे बद्धकोष्ठता दूर करण्यासाठी खूप उपयुक्त मानले जातात. कढीपत्त्याचा थंड प्रभाव असतो ज्यामुळे पोट थंड होते आणि जळजळ आणि पेटके यापासून आराम मिळतो.

कढीपत्त्याचे असे सेवन करा

• तुम्ही दररोज 7 ते 8 कढीपत्त्याची पाने रिकाम्या पोटी चावू शकता.

• याशिवाय 8 किंवा 10 कढीपत्ता स्वच्छ करून पाण्यात उकळून या पाण्याचे सेवन करा. बद्धकोष्ठतेच्या समस्येवरही हे फायदेशीर ठरू शकते.

• कढीपत्त्याची चटणी खाल्ल्यानेही खूप फायदा होतो.

• कढीपत्त्याचा रसही पिऊ शकता.