Rose Lassi Recipe : घरच्या घरी बनवा रोझ लस्सी, कडक उन्हाळ्यात मिळेल थंडावा! सोपी आहे रेसिपी

Rose Lassi Recipe : उन्हाळ्याला नुकतीच सुरूवात झाली आहे. देशातील अनेक राज्यांमध्ये कमालीची उष्णता आतापासूनच जाणवायला लागली आहे. त्यामुळे, या परिस्थितीमध्ये आपण सर्वांनीच आरोग्याची काळजी घेणे गरजेचे आहे. उन्हाळ्यात शरीर हायड्रेट ठेवण्यासाठी थंड पदार्थ किंवा पेय पिणे गरजेचे आहे. मात्र, याचे सेवन मर्यादित प्रमाणात करायला हवे. अन्यथा याचा त्रास होऊ शकतो.

जर यंदाच्या उन्हाळ्यात तुम्हाला काही टेस्टी आणि हेल्दी ट्राय करायचं असेल तर तुम्ही घरच्या घरी रोझ लस्सी बनवू शकता. ही लस्सी बनवायला अतिशय सोपी आहे. शिवाय, या रोझ लस्सीमुळे तुम्हाला थंडावा ही मिळेल आणि शरीर हायड्रेटेड राहण्यास मदत होईल. चला तर मग जाणून घेऊयात रोझ लस्सीची ही सोपी रेसिपी.

रोझ लस्सी बनवण्यासाठी लागणारे साहित्य खालीलप्रमाणे

• दही – ३ कप

• गुलाब सिरप – अर्धा कप

• साखर – २ चमचे

• गुलाबाजाच्या पाकळ्या सजवण्यासाठी

रोझ लस्सी बनवण्याची योग्य पद्धत खालीलप्रमाणे

• रोझ लस्सी बनवण्यासाठी सर्वात आधी एक मोठे बाऊल घ्या. या बाऊलमध्ये ताजे दही घ्या.

• त्यानंतर, हे दही चांगले मिसळून घ्या.

• हे दही पूर्ण गुळगुळीत झाल्यानंतर त्यात साखर घालायला सुरूवात करा.

• साखर घातल्यानंतर दही पुन्हा एकदा किमान १० ते १५ मिनिटे चांगले मिसळून घ्या.

• आता या मिश्रणात बर्फाचे तुकडे आणि थोडं थंड पाणी मिसळा.

• जर तुम्हाला घट्ट लस्सी आवडत असेल तर, त्यात पाणी मिसळू नका. आता या मिश्रणात गुलाबाचे सिरप घाला, त्यानंतर लस्सीचा रंग गुलाबी होईपर्यंत ती चमच्याच्या मदतीने मिसळत रहा.

• आता तुमची रोझ लस्सी तयार आहे. ही लस्सी ग्लासामध्ये ओता.

• त्यानंतर, गुलाबाच्या पाकळ्यांनी सजावट करा.

• तुमची थंडगार रोझ लस्सी आता सर्व्ह करायला घ्या.