धनत्रयोदशीला कुबेराची तर दिवाळीला लक्ष्मीची पूजा केली जाते. असे मानले जाते की, लक्ष्मी आणि कुबेराला प्रसन्न केल्यास कधीही धनाची कमतरता भासत नाही. हिंदू धर्मात धनत्रयोदशीला खूप महत्त्व आहे.
धनत्रयोदशीचा सण, दिवाळीच्या सणाच्या आधी येतो. यादिवशी माता लक्ष्मीची उपासना करतात. या दिवशी शास्त्रात सांगितल्याप्रमाणे उपाय केल्यास तुम्हाला धन-संपत्ती नक्कीच मिळते. तसेच तुमच्या घरातून गरिबी दूर होते.
या दिवशी व्यापारी लोक आपल्या हिशोबाच्या नव्या वह्यांची पुजा करून त्यांचा वापर करण्यास सुरूवात करतात. या दिवशी धनाची आणि लक्ष्मीची पुजा देखील बऱ्याच ठिकाणी केली जाते.
आजच्या दिवशी नव्या कपडयांची आणि अलंकारांची खरेदी करणे शुभ समजली जाते. यादिवसाचा आणखी लाभ कसा मिळवायचा ते पाहुयात.
फुटलेली भांडी दान करा
घरातील स्वयंपाकघरात असलेली जुनी तुटलेली, गंजलेली भांडी वापरणे बंद करा. आणि नवीन भांडी खरेदी करा. नवीन भांड्यांच्या रूपात घरात लक्ष्मी येते. जूनी भांडी फेकून न देता ती दान करू शकता. तुमच्या घरात काम करणार्‍या स्त्रीयांना भांडी दिली तर त्यावर शनि प्रसन्न होतो.
देवीला लवंग अर्पण करा
धनत्रयोदशीच्या दिवशी लक्ष्मी देवीला पती-पत्नी दोघांनी लवंग अर्पण कराव्यात. देवी लक्ष्मीला लवंग खूप प्रिय आहे. लवंगसोबत वेलची आणि सुपारीही दान करता येते. एवढेच नाही तर धनत्रयोदशीला तुम्ही देवी लक्ष्मीला पानही अर्पण करू शकता.
नाण्यांची पूजा
दिवाळीत खरेदी केलेली सोन्याची किंवा चांदीची नाणी लक्ष्मीच्या पूजेमध्ये पूजली जातात. असे केल्याने व्यवसायात यश मिळते. सोने चांदी नसेल तर धनत्रयोदशीच्या दिवशी देवीच्या फोटोजवळ पैसे ठेऊन त्याची पूजा करावी.
कुबेराची पूजा
धनत्रयोदशीच्या दिवशी देवी लक्ष्मीसोबत कुबेरजींचीही पूजा करावी. कुबेरजींची पूजा करण्यासाठी कुबेर यंत्र खरेदी करून धनत्रयोदशीच्या दिवशी त्याची पूजा करावी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
