Vastu Tips: तांदळाच्या 'या' उपायांनी आर्थिक संकटातून मिळेल सुटका

Vastu Tips: हिंदू धर्मात देवी-देवतांच्या पुजेला खुप महत्व आहे. मान्यतेनुसार देवतांची मनोभाव पुजा केल्यास सर्व मनोकामना पुर्ण होतात. पुजाथाळीमध्ये देखील अनेक गोष्टींचा समावेश असतो. यामध्ये तांदळाचाही समावेश असतो. पुजेमध्ये तांदूळाला खास महत्व आहे. वास्तूशास्त्रानुसार तांदळाचा उपाय केल्यास अन्न आणि पैशाची समस्या दूर होते.

असे मानले जाते की जेव्हा एखाद्या व्यक्तीला पितृदोषाचा त्रास होतो तेव्हा त्याला जीवनात अनेक समस्यांना सामोरे जावे लागते. अशा वेळी अमावस्येच्या दिवशी तांदळाची खीर बनवून कावळ्यांना खाऊ घालावी. हा उपाय केल्याने पितृदोषापासून मुक्ती मिळते.

जर तुम्ही मुलाखतीसाठी जात असाल तर आणि त्यात यश मिळत नसेल तर हा उपाय नक्की करून पाहावा. आठवडाभर कावळ्यांना गोड भात खायला द्यावा. असे केल्याने नोकरी मिळण्याची शक्याता जास्त असते.

जर आयुष्यात अन्न आणि पैशाची कमतरता भासत असेल तर एका मोठ्या भांड्यात तांदूळ ठेवा आणि त्यावर अन्नपुर्णा देवी ठेवा. असे मानले जाते की असेल केल्याने व्यक्तीच्या आर्थिक समस्या दूर होतात. याशिवाय कुंकुसोबत तांदूळ अर्पण केल्यास सर्व मनोकामना पुर्ण होतात.

आर्थिक समस्या दूर करण्यासाठी शिवलिंगासमोर तांदूळ घेऊन ओम नम: शिवाय या मंत्राचा १०८ वेळा जप करावा. यानंतर मुठभर तांदूळ शिवलिंगाला अर्पण करा आणि उरलेले तांदूळ एखाद्या गरीबाला द्या. असे केल्याने आर्थिक समस्या दूर होतील आणि धनलाभ होईल.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.