आता स्ट्रॉबेरी, चॉकलेट नाही, तर भाज्यांच्या फ्लेवरचे कंडोम

Vegetable-themed condoms: कुटूंबनियोजन तसेच असुरक्षित लैगिक संबंधांतून एचआयव्ही संक्रमण रोखण्यासाठी वापरल्या जाणाऱ्या साधनापैकी एक म्हणजे निरोध (कंडोम). अलीकडच्या काळात कंडोमच्या बाबतीत समाजामध्ये बऱ्यापैकी जागरूकता झालेली दिसून येते. आता पुरुषांप्रमाणे महिलाही मेडिकल शॉपमध्ये जाऊन कंडोमची मागणी करतात. लोकांना आकर्षित करण्यासाठी कंडोम बनवणाऱ्या कंपन्यांनी स्ट्रॉबेरी, चॉकलेट असे वेगवेगळे फ्लेव्हरदेखील बाजारात आणलेले आहेत. परंतु आता मात्र व्हेजीटेबल फ्लेव्हरचे कंडोम तुम्हाला पाहायला मिळाले, तर नवल वाटून घेऊ नका. कारण 'द हॉर्टिकल्चरल सोसायटीने भाज्यांचे फ्लेव्हरचे कंडोम आणले आहेत.

लैंगिक संबंधातील सौंदर्य तसेच नात्यांवर समुपदेशन करणाऱ्या 'द हॉर्टिकल्चरल सोसायटी' (Horticultural Society) या संस्थेने कंडोमची एक सिरीज तयार केली आहे. ही सिरीज गर्भनिरोधक साधन म्हणून तसेच सुरक्षित लैंगिक सुरक्षेच्या दृष्टीने एक वेगळा दृष्टीकोन घेऊन येत आहे.

संस्थेने विविध फळे आणि भाज्यांच्या फ्लेवर्समध्ये कंडोमची श्रेणी तयार केली आहे. यामध्ये गोसावळं (Courgette), मनुका, वांगे (Aubergine), कांदा, आणि एवोकॅडो यांचा समावेश आहे. ही कंडोमची पाकिटे प्रत्यक्षात बागेतील बियांसारखी दिसतात.

केवळ लैंगिक संबंधांदरम्यान काळजी योग्य खबरदारी न घेणाऱ्या लोकांसाठीच या कंडोमची रचना करण्यात आली नाही, तर त्यापाठीमागे जनजागृतीचाही हेतू आहे.

द हॉर्टिकल्चरल सोसायटीने आपल्या अहवालामध्ये म्हटलं आहे की, यूकेमध्ये 65 वर्षांपेक्षा जास्त वयाच्या लोकांमध्ये लैंगिक रोगांचे संक्रमण वाढत आहे. एसटीडी/एचआयव्ही प्रतिबंधाची विविध साधने उपलब्ध असूनही, महिला सक्षमीकरण हे दूरचे स्वप्न राहिले आहे. एचआयव्ही प्रतिबंधासाठी कंडोम अधिक महत्त्वपूर्ण ठऱत आहेत.

Relate ने नोंदवलेल्या सर्वेक्षणानुसार, 65 वर्षे आणि त्याहून अधिक वयाच्या 43 टक्के व्यक्ती त्यांच्या लैंगिकतेमध्ये त्यांच्या आयुष्यातील इतर वेळेपेक्षा अधिक सुरक्षित आणि मुक्त आहेत. याशिवाय असे आढळून आले आहे की 65 वर्षांपेक्षा जास्त वयाच्या 80 टक्के लोकांनी गेल्या सहा महिन्यांत कंडोम खरेदी केले नाहीत आणि या वयोगटातील एसटीआय गेल्या 10 वर्षांत वाढले आहेत.