Best Earrings: खूप चर्चेत आहेत विद्या बालनचे हे कानातले... बाजारात मिळताय अगदी १०० रुपयांपासून

Vidya Balan Earrings Collection : तुम्ही आउटफिटसोबत कॅरी केलेल्या अॅक्सेसरीज तुमचा लुक परफेक्ट करण्यात महत्त्वाची भूमिका बजावतात. अर्थात यात तुमची चॉइससुद्धा खूप गरजेची असते.

आता ट्रेंडबद्दलच बोलायचं असेल तर, ऑक्सिडाइज्ड कानातले आजकाल खूप ट्रेंडमध्ये आहेत. शाळा कॉलेजच्या मुलींपासून तर अगदी सिनेसृष्टीतल्या मोठमोठ्या अभिनेत्री सुद्धा ऑक्सिडाइज्ड कानातले परिधान करतात. यामध्ये विद्या बालनचाही समावेश आहे.

विद्या ही एक अशी अभिनेत्री आहे जी ट्रेडिशनल आणि वेस्टर्न अशा दोन्ही प्रकारच्या आउटफिट कॅरी करते, तिचे जर फोटो बघितले तर दोन्ही प्रकारच्या आउटफिटवर ती ऑक्सिडाइज्ड कानातले परिधान करणे जास्त प्राधान्य देते. विद्याचा प्रत्येक लूक लोकांना खूप आवडतो.

ती सोशल मीडियावर तिचे फोटो शेअर करत असते, ज्यावर लोक खूप छान छान कमेंट करत तिला रिव्ह्यूज देत असतात. आज आम्ही तुम्हाला अभिनेत्री विद्या बालनने परिधान केलेले काही स्टायलिश आणि अनोखे ऑक्सिडाइज्ड सिल्व्हर कानातले दाखवणार आहोत. तुम्हालाही तुमच्या लूकला ग्लॅमरस बनवायचे असेल, तर तुम्ही विद्याच्या लूकवरुन टिप्स घेऊ शकता.

ऑक्सिडाइज्ड कानातले आजकाल खूप ट्रेंडमध्ये आहेत. ते ट्रेडीशनल वेअर वर एकदम भारी दिसतात.

अभिनेत्री सहसा मोठे आणि लॉन्ग कानातले परिधान करण्यास प्राधान्य देते. त्यातही ती टिपिकल झुमका पॅटर्न जरा अवॉइड करते.

असे ऑक्सिडाइज्ड कानातले साडीसोबत उत्तम दिसतात. तुम्हाला हवे असल्यास तुम्ही ते एथनिक वेअरसोबत सुद्धा कॅरी करु शकता.

असे ऑक्सिडाइज्ड कानातले साध्या साडीसोबत किंवा लॉन्ग कुर्त्यीसोबत सुद्धा परफेक्ट दिसतात.

सध्या बाजारात ऑक्सिडाइज्ड कानातल्यांची खूप मागणी असल्यामुळे रोजचे वापरायचे कानातले अगदी ५० रुपयात तर असे मोठे छान कानातले १०० रुपयापासून बाजारात मिळता आहेत.