मुंबई : रेडिटवर प्रसारित झालेले एक छायाचित्र सध्या समाजमाध्यमांवर चर्चेचा विषय ठरत आहे. एका कुटुंबाने restaurantमध्ये जेवल्यानंतर उरलेले अन्न आणि कचरा टेबलवर तसाच पसरून टाकला आहे. त्याचे हे छायाचित्र आहे. हे रेस्टॉरंट रियाद येथील असल्याचे सांगितले जात आहे. जेवल्यानंतर सगळा कचरा कचराकुंडीत टाकण्याचे सौजन्यही या कुटुंबाने दाखवले नाही.
छायाचित्र प्रसारित करणाऱ्या यूजरने दिलेल्या माहितीनुसार एका कुटुंबातील ८ ते १० जण जेवण्यासाठी या रेस्टॉरंटमध्ये आले होते. ते निघून गेल्यानंतर एवढा कचरा टेबलवर होता की साफसफाई करण्यासाठी ३ कर्मचाऱ्यांना काम करावे लागले. इतरत्र कुठेही कधीही अशाचप्रकारची अस्वच्छता दिसून येत नाही. म्हणून यूजरने हे छायाचित्र काढले आहे.
हे छायाचित्र प्रसारित झाल्यानंतर समाजमाध्यमकर्मींनी त्यावर टीप्पणी करण्यास सुरूवात केली आहे. आपला कचरा कचराकुंडीत टाकणे इतकेही कठीण नाही. काही अंतरावरच कचराकुंडी आहे. तिथे हा कचरा टाकता आला असते, अशी टीप्पणी करत समाजमाध्यमकर्मींनी नाराजी व्यक्त केली आहे.
सौदी अरेबियामध्ये सार्वजनिक ठिकाणी कचरा करणाऱ्यांवर कठोर कारवाई केली जाते. त्यांना ५०० सौदी रियाल किंवा १३३ डॉलर दंड भरावा लागतो. दुसऱ्या वेळी तीच चूक केल्यास दुप्पट दंड भरावा लागतो. पुढे ही रक्कम वाढत जाते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
