Warm Water Benefit: गरम पाण्यात दडलंय ग्लोइंग त्वचेचं रहस्य; जाणून घ्या काय म्हणतात एक्सपर्ट

warm water benefits: सोशल मीडियावर हल्ली बऱ्याच गोष्टी व्हायरल होत असतात. अलीकडे सोशल मीडियावर अशीच एक पोस्ट व्हायरल होतेय. यात गरम पाणी पिण्याचे बरेच फायदे सांगितल्या गेले आहेत. तसेच तुमच्या चेहऱ्यावर चमक आणण्यात गरम पाणी फायदेदायी असल्याचा दावा या पोस्टमध्ये करण्यात आलाय. चला तर जाणून घेऊया पोस्टमागील सत्य काय ते.

गरम पाणी किती प्रमाणात फायदेदायी?

एक्सपर्ट्स यावर म्हणतात, गरम पाणी पिल्याने घाम येतो जो शरीरातील टॉक्झिक पदार्थ बाहेर काढतो. टॉक्झिक पदार्थ शरीराबाहेर काढण्याचा हा नैसर्गिक उपाय आहे. तसेच गरम पाणी तुमच्या शरीरात सायनस कंजेशन सुधारतं आणि डोळ्यांच्या आजूबाजूची सूजन कमी करते. शिवाय तुमची पाचनशक्ती आणखी प्रबळ करते. त्यामुळे इंटेस्टाईन साफ राहाते आणि त्वचाही चांगली दिसते. मात्र एक्सपर्टच्या मते, गरम पाण्याचा शरीराला थेट फायदा फार कमी प्रमाणात होतो. मात्र ते शरीराला डिटॉक्स करतं यात काही शंका नाही असेही एक्सपर्ट म्हणाले.

गरम पाणी त्वचेला हायड्रेट करत ड्रायनेस आणि फ्लेकीनेसला मॉश्चराईज करते. डॉक्टरांच्या मते, गरम पाणी पिल्याने ब्लड सर्क्युलेशन वाढते आणि रक्तपुरवठा सुरळीत होतो. आणि तुमची त्वचा निरोगी राहाते. म्हणूनच दररोज ३ ग्लास पाणी पिणे अनिवार्य आहे.

खरंच गरम पाण्याने त्वचा ग्लो करते काय?

तुम्ही गरम पाणी पिताय पण त्यातही तुमचं डाएट बरोबर नाही किंवा तुम्ही स्मोकिंग किंवा ड्रिकिंग करत असाल तर तुमची स्कीन ग्लोइंग होणार नाही. त्यासाठी तुमची झोप आणि आहार दोन्ही योग्य हवेत. अन्यथा ग्लोइंग त्वचेचा फायदा तुम्हाला मिळणार नाही.