Benefits of Face Yoga : चेहऱ्यावरील फॅट्स कमी करण्यासाठी रोज करा फेस योगा;जाणून घ्या ‘हे’ फायदे

Benefits of Face Yoga : चेहऱ्यामुळे आपले व्यक्तिमत्व आकर्षक आणि सुंदर दिसते. शरिरासोबतच आपण चेहऱ्याची काळजी देखील चांगल्या प्रकारे घेतो. चेहरा सुंदर आणि आकर्षक दिसण्यासाठी आपण चेहऱ्यावर अनेक प्रकारच्या ब्युटी ट्रीटमेंट्स करतो.

या ट्रीटमेंट्समुळे चेहरा आकर्षक दिसतो आणि चेहऱ्यावर चमक ही येते. मात्र, वाढलेल्या वजनाचा प्रभाव ही चेहऱ्यावर दिसून येतो. तो प्रभाव आपण किती ही ब्युटी ट्रीटमेंट्स केल्या तरी टाळता येत नाही. यासाठी तुम्हाला व्यायाम करणे आवश्यक आहे.

फेस योगा हा चेहऱ्याचा व्यायाम करण्याचाच एक प्रकार आहे. फेस योगा नियमित केल्याने चेहऱ्यावरील डबल चिन गायब होण्यास मदत मिळू शकते. तसेच, चेहरा टोन्ड दिसण्यासाठी फेस योगा फायदेशीर आहे.

आज आपण, फेस योगा म्हणजे काय ? आणि फेस योगा करण्याचे फायदे काय आहेत ? ते जाणून घेणार आहोत.

फेस योगा म्हणजे काय ?

आपले वजन वाढल्यावर आणि वय वाढल्यावर त्याचा प्रभाव चेहऱ्यावर दिसू लागतो. चेहऱ्यावर डबल चिन येणे आणि वाढत्या वजनामुळे चेहऱ्यावर सुरकुत्या दिसणे या गोष्टी चेहऱ्यावर स्पष्ट दिसू लागतात.

या सर्व गोष्टींचा प्रभाव कमी करण्यासाठी फेस योगाचा आधार घेतला जातो. फेस योगा केल्याने आपल्या चेहऱ्यावरील स्नायूंना ताण बसतो आणि ते घट्ट होण्यास मदत मिळते.

फेस योगा केल्याने चेहऱ्यावरील रक्ताभिसरणाची प्रक्रिया सुधारते. यामुळे, चेहऱ्यावरील फॅट्स कमी होऊ लागतात आणि चेहऱ्यावर एक प्रकारचा सुंदर ग्लो येतो.

फेस योगा करण्याचे फायदे कोणते ?

• फेस योगा केल्यामुळे चेहऱ्यावरील मांसपेशी मजबूत होण्यास मदत मिळते.

• फेस योगा केल्याने चेहऱ्यावरील रक्ताभिसरणाची प्रक्रिया सुधारते आणि चेहरा निरोगी आणि तजेलदार दिसू लागतो.

• चेहरा फ्रेश राहतो आणि त्वचेवरील वृद्धत्वाचा प्रभाव कमी करण्यास फेस योगा मदत करते.

• फेस योगा केल्याने चेहरा छान टोन राहतो आणि चेहऱ्यावर ग्लो येतो.

• तणाव कमी करण्यासोबतच मानसिक आरोग्यासाठी ही फेस योगा लाभदायी आहे.

• फेस योगा केल्याने डोळ्यांखालील काळी वर्तुळे कमी होण्यास मदत मिळू शकते.

• नियमितपणे फेस योगा केल्याने चेहऱ्यावरील सूज आणि फॅट्स कमी होतात.

• रोज फेस योगा केल्याने चेहऱ्याची त्वचा चमकदार होण्यास मदत होते.