Winter Morning Tips: थंडीत तुम्हालाही अंथरूणात खिळून बसावसं वाटतं काय? या टीप्स फॉलो करा;

Winter Early Morning Wakeup Tips: थंडीच्या दिवसांत अनेकांना सकाळी उठायची अजिबात इच्छा होत नाही. सकाळचा सूर्यप्रकाशही आला तरी अंथरूणात खिळून बसावेसे वाटते. मात्र हे सगळं असतात काम मात्र आहे त्या वेळेतच तुम्हाला पूर्ण करायची असतात. त्यामुळे लवकर उठणंही तेवढंच गरजेचं असतं. तुम्हालाही जर का थंडीच्या दिवसांत सकाळी लवकर उठायचं असेल तर फॉलो करा या टीप्स.

आपल्या प्रत्येकाच्या आयुष्यात सध्या मोबाइलने महत्वाचं स्थान घेतलंय. आपण सतत मोबाइलच्या स्क्रिनकडे बघत बसतो. त्याचा परिणाम थेट आपल्या आरोग्यावर होतो. तुम्ही झोपेच्या वेळेपर्यंत जर मोबाइल बघत असाल तर तुम्हाला रात्री निवांत झोप येणे कठीण होते. त्यामुळे झोपण्याच्या एक तासापूर्वी तुम्ही तुमचा मोबाइल बाजूला करायला हवा. यामुळे तुम्हाला शांत झोप लागेल. (Winter)

झोपेची एक वेळ ठरवून घेतल्यास तुमच्या शरीराला त्याच वेळेवर झोपण्याची सवय लागेल. असे तुम्ही बऱ्याच दिवस नियमित केल्यास तुमच्या सवयीचा तो एक भाग होतो. त्यानंतर तुम्हाला अलार्म लावायचीही गरज नसते. दररोज निदान आठ तासाची झोप आवश्यक असते. त्यामुळे तुम्ही निरोगी तर राहाताच सोबतच तुमचा माइंड आणि मूडही फ्रेश असते.