Women Health : चाळीशीनंतर सुरू करायचाय योग? महिलांना फायदेशीर ठरतील ही आसने.. जाणून घ्या

वाढत्या वयात फिटनेटकडे लक्ष देणं फार गरजेचं असतं. वयाच्या ४० नंतर तर शाररिक समस्या आणखीन वाढतात. वाढत्या वयानुसार आरोग्याच्या समस्याही वाढतात. या अवस्थेत, जुनाट आजारांशी लढण्यासाठी निरोगी राहणे महत्त्वाचे आहे. यासाठी संतुलित आहार, रोजचा व्यायाम आणि पुरेशी झोप आवश्यक आहे. तज्ज्ञांच्या मते, वयाच्या ४० व्या वर्षी निरोगी राहण्यासाठी आरोग्याकडे विशेष लक्ष देणे आवश्यक आहे. तुम्हालाही वयाच्या ४० व्या वर्षी निरोगी राहायचे असेल तर हे योगासन रोज करा.

सेतुबंधासनाचे फायदे

या आसनामुळे छाती, मान, पाठीचा कणा आणि नितंब स्ट्रेच करण्यास मदत होते.

कंबर, ग्लूट्स, पाय आणि घोट्याला मजबूत करते.

हे आसन रक्ताभिसरण सुधारण्यासाठी देखील उपयुक्त आहे.

या आसनामुळे तणाव आणि नैराश्याची लक्षणेही कमी होतात.

असे केल्याने मेंदू आणि मज्जासंस्थेतील स्नायूंनाही आराम मिळतो.

हे मुद्रा, फुफ्फुस, थायरॉईड ग्रंथी आणि पोटाच्या स्नायूंसाठी देखील चांगले आहे.

जर तुम्हाला पोटाच्या चरबीचा त्रास होत असेल तर हे आसन नक्की करा.

या आसनामुळे रजोनिवृत्तीची लक्षणेही कमी होतात.

तसेच पाठदुखी आणि डोकेदुखीपासून आराम मिळतो.

तुम्हाला थकवा, अँझायटी आणि अशक्त वाटत असले तरीही ते करा.

तसेच पायांचा थकवा देखील दूर करतो.

हे उच्च रक्तदाब आणि दम्याची लक्षणे देखील कमी करते.

सेतुबंधासन कसे करावे?

सर्वात प्रथम पाठीवर झोपा आणि दोन्ही हात शरीराजवळ ठेवा. यानंतर दोन्ही पाय गुडघ्यात दुमडून कमरेचा भाग वर उचलण्याचा प्रयत्न करावा. हे करताना दोन्ही हात जमिनीवरच ठेवावे. कमरेचा भाग जितका शक्य होईल तितकाच वर उचलावा. सवयीनुसार आणि शरीराच्या लवचिकतेनुसार त्याची क्षमता वाढवता येईल. या स्थितीत काही सेकंद थांबल्यानंतर पुन्हा पहिल्या स्थितीत यावे. पाठिला दुखापत झाल्यास हे आसन करणं टाळावं.

सुखासन

सुखासन केल्याने तणावातून आराम मिळतो. रक्ताभिसरण व्यवस्थित सुरू होते. यासाठी ध्यानाच्या मुद्रेत बसून दीर्घ श्वास घ्या आणि नंतर श्वास रोखून धरा. हा योग तुमच्या क्षमतेनुसार करा.

शलभासन

हे शलभ आणि आसन या संस्कृत शब्दांपासून बनलेले आहे. हे आसन केल्याने शरीरात रक्ताभिसरण व्यवस्थित होते. त्याचबरोबर महिलांना मासिक पाळीदरम्यान होणाऱ्या त्रासांपासून आराम मिळतो. याशिवाय पोटाच्या समस्यांमध्ये आराम मिळतो.