Skincare Tips : वर्किंग वुमनने जरूर फॉलो कराव्यात ‘या’ स्किनकेअर टिप्स

Skincare Tips : वातावरणातील वाढते प्रदूषण आणि धूळ यांचा आपल्या आरोग्यावर गंभीर परिणाम होत असतो. या सगळ्याचा आपल्या त्वेचवर ही परिणाम होतो. त्यामुळे, अशा परिस्थितीमध्ये आरोग्यासोबतच आपण त्वचेची देखील काळजी घेणे महत्वाचे आहे.

नोकरदार महिलांकडे तर त्वचेची काळजी घेण्यासाठी पुरेसा वेळ नसतो. यामुळे, त्यांचे त्वचेकडे दुर्लक्ष होते आणि त्वचेच्या समस्यांना अधिक आमंत्रण मिळते. मात्र, तुम्ही तुमच्या रोजच्या रूटीनमध्ये काही टिप्सचा वापर करून त्वचेची काळजी नक्कीच घेऊ शकता.

आज आम्ही खास नोकरदार महिलांसाठी काही स्किनकेअर टिप्स सांगणार आहोत. चला तर मग कोणत्या आहेत या टीप्स ? त्या आपण जाणून घेऊयात.

पुरेशी झोप महत्वाची

वर्किंग वुमनला अनेकदा रात्री उशिरा झोप येते किंवा अनेकदा त्यांच जागरण होतं. रात्री उशिरा उठणे आणि सकाळी कामावर जाण्यासाठी लवकर उठणे यामुळे महिलांमध्ये आरोग्याच्या समस्या वाढतात. मात्र, याचा आरोग्यावर परिणाम होण्यासोबतच आपल्या त्वचेवर ही परिणाम होतो.

त्यामुळे, नोकरदार महिलांनी पुरेशी ६-७ तासांची झोप घेणे महत्वाचे आहे. जर ही पुरेशी झोप तुम्ही नाही घेतली तर तुम्हाला त्वचेच्या अनेक समस्यांचा सामना करावा लागेल.

सनस्क्रिन कधीच स्कीप करू नका

उन्हात बाहेर पडताना सनस्क्रिन चेहऱ्यावर अवश्य लावा. हे कधीच स्कीप करू नका. अन्यथा सूर्याच्या अतिनील किरणांचा तुमच्या त्वचेवर प्रभाव पडू शकतो आणि यामुळे त्वचा काळी पडणे, काळे डाग येणे, स्किन टॅन होणे इत्यादी समस्यांना आमंत्रण मिळू शकते.

त्यामुळे, ऑफिसला जाण्यासाठी घराबाहेर पडताना सनस्क्रिनचा वापर अवश्य करा. चुकूनही सनस्क्रिन स्कीप करू नका.

स्क्रबिंग अवश्य करा

नोकरदार महिलांनी आठवड्यातून किमान २ वेळा चेहऱ्याचे स्क्रबिंग अवश्य करायला हवे. कारण, नोकरदार महिलांचा ऑफिसला जाताना रोज प्रवास होतो. या प्रवासात मग, प्रदूषण, धूळ यांचा रोजच सामना करावा लागतो. या सगळ्याचा त्वचेवर परिणाम होत असतो.

त्यामुळे, त्वचेवर पिंपल्स येणे, काळे डाग पडणे त्वचा निस्तेज होणे यांसारख्या समस्या होत असतात. त्यासाठी आठवड्यातून किमान २ वेळा तरी त्वचेचे स्क्रबिंग करणे आवश्यक आहे.

स्क्रबिंग केल्याने त्वचेची स्वच्छता होते आणि डेड स्किन दूर होते. त्यामुळे, त्वचेवर चांगला प्रभाव दिसून येतो आणि त्वचेच्या समस्या दूर होण्यास मदत होते.