![no evm](http://media.assettype.com/esakal%2F2024-03%2F2b521d14-2f25-483a-a53f-ef7976f178c1%2F________________78_.jpg?w=480&auto=format%2Ccompress&fit=max)
कल्याण : ठाणे जिल्ह्यातल्या कल्याण तालुक्यातील एका गावातील प्राथमिक गरजाही पूर्ण झालेल्या नसल्यानं इथल्या आदिवासी बांधवांनी मतदानावर बहिष्कार टाकला आहे. त्यामुळं निवडणुकीनिमित्त तरी हे गाव आणि तिथले ग्रामस्थ चर्चेत आले आहेत. (Bhiwandi Lok sabha tribals boycott voting in Kalyan Citizens are upset because of bad condition of road)
कल्याण तालुक्यातील पोई या आदिवासीबहुल गावातील नागरिकांनी मतदानावर बहिष्कार टाकला आहे. पोई हे गाव खरंतर भिवंडी लोकसभा मतदारसंघात येतं. पोई गावातील आदिवासी पाड्याकडं जाणाऱ्या रस्त्याचं काम रखडल्यानं आणि वारंवार याबाबत तक्रार करुनही कामं झालेली नसल्यानं इथल्या नागरिकांनी मतदानावर बहिष्काराचा निर्णय घेतला आहे.
आज ठाणे जिल्ह्यातील तिनही लोकसभा मतदारसंघांमध्ये मतदान पार पडत आहे. यामध्ये ठाणे लोकसभा, कल्याण लोकसभा आणि भिवंडी लोकसभा मतदारसंघाचा समावेश होते. याठिकाणी ठाण्यात शिंदे सेनेचे नरेश म्हस्के विरुद्ध ठाकरे सेनेचे राजन विचारे यांच्यात प्रमुख लढत होत आहे. तर कल्याणमध्ये शिंदे सेनेचे श्रीकांत शिंदे आणि ठाकरे सेनेचे वैशाली दरेकर यांच्या लढत होत आहे. तर भिवंडीत भाजपचे कपिल पाटील, मविआचे सुरेश म्हात्रे आणि बसपाचे मुमताज अन्सारी यांच्यात लढत होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.