मुंबई : चंद्रपूर लोकसभा मतदारसंघातून भाजपचे उमेदवार सुधीर मुनगंटीवार आणि काँग्रेसच्या उमेदवार प्रतिभा धानोरकर यांच्यात लढत झाली होती. यामध्ये टीव्ही ९-पोलस्ट्रार या एक्झिट पोलनुसार धानोरकर या आघाडीवर असल्याचं सांगितलं जात आहे तर सुधीर मुनगंटीवार हे पिछाडीवर आहेत. त्यामुळं खरंतर विविध राजकीय विश्लेषकांनी केलेल्या भाकितांनुसार एक्झिट पोलचा हा अंदाज अपेक्षित असल्याचं दिसत आहे. (Chandrapur Exit Poll what will happen to Sudhir Mungantiwar Exit polls are making shocking predictions)
चंद्रपूरमधील लढत खरंतर खूपच रंजक झाली आहे. गेल्या २०१९ च्या निवडणुकीत महाराष्ट्रातील ही एकमेव अशी जागा होती जिथं काँग्रेसला यश मिळालं होतं. या ठिकाणी प्रतिभा धानोरकर यांचे पती दिवंगत सुरेश धानोरकर हे निवडून आले होते. पण त्यांचं निधन झाल्यानंतर काँग्रेसनं त्यांच्या पत्नीला अर्थात प्रतिभा धानोरकरांना उमेदवारी जाहीर केली. ही उमेदवारी जाहीर झाल्यापासूनच त्या जिंकून येतील असा अंदाज अनेकांनी वर्तवला आहे.
तर दुसरीकडं या ठिकाणाहून भाजपला उमेदवार मिळत नसल्यानं त्यांनी राज्यातील मंत्री सुधीर मुनगंटीवार यांना उमेदवार दिली. पण यासाठी मुनगंटीवारांची इच्छा नव्हती असंही सांगितलं जात होतं. पण पक्षानं आदेश दिल्यानं त्यांच्यासमोर कुठलाही पर्याय नव्हता, असंही सांगितलं गेलं आहे.
त्यामुळं आता एक्झिट पोलमधून जो अंदाज समोर आला आहे, त्यानुसार जी भाकितं यापूर्वी वर्तवली गेली होती त्या अपेक्षेनुसार या ठिकाणी धानोरकर हे विजयापर्यंत पोहोचतील असं सांगितलं गेलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
