मुंबई : महायुतीच्या सभेसाठी पंतप्रधान नरेंद्र मोदींनी शिवाजी पार्कवरुन आज भाषण केलं. पण याच भाषणावर दुसरीकडं बीकेसीतील सभेतून उद्धव ठाकरेंनी मोदींवर हल्लाबोल केला. तुम्ही आता ४ जूननंतर पंतप्रधान राहणार नाहीत. त्यामुळं ४ जूनला संपूर्ण देश डिमोदीनेशन करणार आहे, असं यावेळी उद्धव ठाकरे म्हणाले. (Country will demodination this is modiji las speech at Shivaji Park Uddhav Thackeray attacked on Prime Minister)
ठाकरे म्हणाले, "आता चार जूनपर्यंतची पंतप्रधान मोदींची शेवटी सभा असल्यानं ते सध्या बोलायला उभे राहिलेत. कारण ४ जूननंतर ते पंतप्रधान नसणार आहेत हे आपण ठरवलेलं आहे. मी काल मुलाखत देताना एक शब्द वापरला होता. काल मोदींनी आपल्याला फसवलं आणि नोटबंदी जाहीर केली, ते टीव्हीवर आले आणि त्यांनी डिमॉनिटायझेशन केलं. त्याचप्रमाणं मोदीजी तुम्ही आज शिवाजी पार्कवरुन बोलताय बोलून घ्या.
पंतप्रधान म्हणून शेवटचे मुंबईत आलात बोलून घ्या. कारण ४ जूनला संपूर्ण देश डिमोदीनेशन करणार आहे. याचा अर्थ असा की चलनी नोटा फक्त कागदाचे तुकडे राहिले होते तसे चार जूननंतर तुम्ही फक्त नरेंद्र मोदी राहणार, कोणत्याही परिस्थितीत पंतप्रधान राहणार नाही"
ठाकरे पुढे म्हणाले, "मला काही वेळा लोकांची कीव येते, काय लोक जमवतात जणून देशातील सर्व प्रश्न संपले आहेत. महागाई कमी झालेली आहे, सर्वांना रोजगार मिळालेला आहे. सर्वजण खाऊन पिऊन ढेकर देऊन पडलेत. चीन तिकडं आतमध्ये घुसला आहे. तिकडं ना मोदी जायला तयार ना अमित शहा जायला तयार नाही. पण सगळी फौज भाडोत्री, गद्दारांना घेऊन आज उद्धव ठाकरेंना संपवायला इकडे आलेले आहेत. पण मोदीजी तुमच्यात हिंमत असेल तर उद्धव ठाकरेंना संपवण्याचा प्रयत्न करुन बघा, हा महाराष्ट्र तुम्हाला महाराष्ट्राच्या मातीत गाडल्याशिवाय राहणार नाही"
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
