सबस्क्राईब करा
येणार काळ हरित युगाचा आहे. आजही आमच्या सरकारी योजना प्रगतीच्या योजना राबवत आहे. भारताला जगातील तिसरी सर्वात मोठी अर्थव्यवस्था बनवण्यासाठी पूर्ण ताकद लावणार आहोत.
विरोधकांवर टीका करताना मोदी म्हणाले, विरोधक एकजूट होऊनही भाजप इतक्या जागा जिंकू शकले नाहीत. तिसऱ्या कार्यकाळात देश मोठ्या निर्णयांचा एक मोठा अध्याय लिहीलं. ही मोदींची गॅरंटी आहे. गरीबी इतिहासात जमा होत नाही तोपर्यंत आम्ही थांबणार नाही. जोपर्यंत देशाचं डिफेन्स सेक्टर आत्मनिर्भर होत नाही तोपर्यंत आम्ही थांबणार नाही.
आजचा हा क्षण माझ्यासाठीही भावूक करणारा क्षण आहे. माझ्या आईच्या गेल्यानंतरही मला देशातील करोडो माता-भगिनींनी कधीही आईची कमी मला जाणवू दिली नाही. देशाच्या विकासात महिलांद्वारे मतदानाचं सर्व रेकॉर्ड तोडले. या आपलेपणाला मी शब्दांत सांगू शकत नाही. देशातील कोटी कोटी माताभगिनींनी मला प्रेरणा दिली. गेल्या दहा वर्षात देसान मोठे निर्णय घेतले.
केंद्र सरकार तुमच्या विकासासाठी कोणतीही कसर बाकी सोडणार नाही, असं आश्वासन पंतप्रधान नरेंद्र मोदी यांनी दिलं. यावेळी त्यांनी आंध्र प्रदेशात टीडीपीच्या सहाय्यानं एनडीएननं मोठा विजय मिळवल्याचं सांगितलं.
ओडिशातील विजयावर पंतप्रधान नरेंद्र मोदी यांनी आनंद व्यक्त केला. भाजप ओडिशात आता सरकार बनवणार असल्याचं त्यांनी सांगितलं. तसेच केरळमध्ये देखील भाजपनं विजय मिळवला असल्याचं सांगितलं.
मोदी म्हणाले आज लोकशाहीचा उत्सव आहे. भारतातील जनतेनं एनडीएवर विश्वास दाखवल्यानं PM मोदींनी देशवासियांचे आभार मानले आहेत.
लोकसभा निवडणुकीतील विजयानंतर पंतप्रधान नरेंद्र मोदी भाजप कार्यालयातून कार्यकर्ते पादाधिकारी आणि मतदारांचे आभार मानणार आहेत.
निवडणूक निकालानंतर पंतप्रधान मोदींनी जनतेचे आभार मानले आहेत. त्यांनी सोशल मीडिया प्लॅटफॉर्मवर लिहिले, भारताच्या इतिहासातील हा अभूतपूर्व क्षण आहे. या प्रेम आणि आशीर्वादासाठी मी माझ्या कुटुंबियांना प्रणाम करतो. मी देशवासियांना खात्री देतो की त्यांच्या आकांक्षा पूर्ण करण्यासाठी आम्ही नवीन ऊर्जा, नवीन उत्साह आणि नवीन संकल्प घेऊन पुढे जाऊ. मी मनापासून कृतज्ञता व्यक्त करतो आणि सर्व कार्यकर्त्यांनी केलेल्या समर्पण आणि अथक परिश्रमाबद्दल त्यांचे अभिनंदन करतो.
लक्षद्वीप मतदारसंघात राष्ट्रवादी काँग्रेस शरदचंद्र पार्टीच्या मोहम्मद फैजल यांचा काँग्रेसच्या मोहम्मद हमिदुल्ला सैयद यांनी जवळपास तीन हजार मतांनी पराभव केला
लोकसभा निवडणुकीत जे अपेक्षित होते ते होताना दिसत नाही. भाजपच्या नेतृत्वाखालील एनडीएला बहुमत मिळताना दिसत असले तरी, इंडिया अलायन्सच्या कामगिरीमुळे अनेक राजकीय हेराफेरीचा पर्यायही निर्माण झाला आहे. सरकारमध्ये राहण्यासाठी भाजपला इतर एनडीए पक्षांना आकर्षित करावे लागेल. अशा स्थितीत नितीशकुमार, चंद्राबाबू नायडू, चिराग पासवान यांसारख्या बड्या नेत्यांच्या मागण्या नक्कीच वाढतील आहे.
लोकसभा निवडणुकीच्या निकालादरम्यान काँग्रेसने पत्रकार परिषद घेतली. काँग्रेसचे प्रदेशाध्यक्ष मल्लिकार्जुन खरगे यांनी प्रसारमाध्यमांशी संवाद साधताना सांगितले की, हा जनतेचा विजय आहे, जनादेश मोदींच्या विरोधात आला आहे. सत्ताधाऱ्यांनी निवडणुकीच्या काळात त्यांना रोखण्यासाठी सर्वतोपरी प्रयत्न केले, मात्र तरीही जनतेने त्यांच्यावर विश्वास व्यक्त केला, असा टोलाही काँग्रेसने लगावला.
गुजरातमध्ये दशकानंतर खाते उघडत काँग्रेसने बनासकांठामध्ये आघाडी घेतली आहे. येथे काँग्रेसच्या उमेदवार गेनीबेन ठाकोर 33801 मतांनी आघाडीवर आहेत.
पश्चिम बंगालमधील बहरामपूर लोकसभा मतदारसंघातून काँग्रेस नेते अधीर रंजन चौधरी यांचा पराभव झाला आहे. माजी क्रिकेटपटू आणि टीएमसीचे उमेदवार युसूफ पठाण या जागेवर विजयी झाले आहेत.
शिवराज सिंह चौहान यांनी विदिशा लोकसभा मतदारसंघातून 8,20,868 मतांनी विजय मिळवून इतिहास रचला आणि देशातील सर्वाधिक मतांनी विजयी झालेले उमेदवार बनले.
महाआघाडीचे उमेदवार सुदामा प्रसाद यांनी आरा लोकसभा मतदारसंघातून निवडणूक जिंकली आहे. या जागेवरून केंद्रीय मंत्री आरके सिंह यांचा पराभव झाला आहे. त्याचबरोबर तिरुअनंतपुरममधून शशी थरूर विजयी झाले आहेत. केंद्रीय मंत्री राजीव चंद्रशेखर यांचा पराभव झाला आहे. अशाप्रकारे मोदींच्या आणखी दोन मंत्र्यांचा पराभव झाला आहे.
लोकसभा निवडणुकीच्या निकालात आणखी एक धक्कादायक निकाल समोर आला आहे. केंद्रीय मंत्री स्मृती इराणी यांचा अमेठीतून पराभव झाला आहे. अमेठीमधून गांधी घराण्याच्या जवळच्या केएल शर्मा यांनी स्मृती इराणी यांचा सुमारे १.२५ लाख मतांच्या फरकाने पराभव केला आहे. 2019 मध्ये स्मृती इराणींनी राहुल गांधींचा पराभव केला होता. या निवडणुकीत राहुल गांधी रायबरेलीतून उभे होते.
फैजाबाद लोकसभेत इंडिया अलायन्सचे अवधेश प्रसाद झपाट्याने जागा मिळवत आहेत. भाजपचे लल्लू सिंह 31800 मतांनी पिछाडीवर आहेत.
अवधेश प्रसाद- 408382
लल्लू सिंग - 376582
'यंदा 400 पार' असा नारा देत लोकसभा निवडणुकीत उतरलेला एनडीए 300 चा टप्पा गाठण्यासाठीही धडपडत आहे. तर I.N.D.I.A. युतीने आपल्या मागील कामगिरीपेक्षा लक्षणीय सुधारणा केली आहे आणि जवळपास 230 जागा राहिल्या आहेत.
काँग्रेसचे माजी अध्यक्ष राहुल गांधी उत्तर प्रदेशातील रायबरेली मतदारसंघातून विजयी झाले आहेत. या जागेवर त्यांनी भाजपचे दिनेश प्रताप सिंह यांचा मोठ्या मतांनी पराभव केला आहे.
केरळमधील त्रिशूर मतदारसंघातून भाजपचे सुरेश गोपी विजयी झाले आहेत. अशाप्रकारे केरळमध्ये पहिल्यांदाच भाजपचे खाते उघडले आहे.
राहुल गांधी यांनी काँग्रेस मुख्यालयात पोहोचून एका कार्यकर्त्याची गळाभेट घेतली.
लोकसभा निवडणुकीच्या कलमध्ये एनडीएचा आकडा तीनशेच्या जवळपास पोहोचला असला तरी विरोधी आघाडीही बहुमतापासून दूर नाही. राममंदिर आणि योगी फॅक्टर देखील यूपीमध्ये भाजपची जागा वाचवू शकले नाहीत आणि राज्यात भगव्या पक्षाला मोठा धक्का बसला आहे.
बंगालमध्येही टीएमसीचा भाजपवर वरचष्मा आहे.
महाराष्ट्रातही भाजप आणि शिवसेनाला ठाकरे आणि शरद पवार यांच्या मविआकडून मोठा धक्का बसला आहे.
उत्तर प्रदेशात मोठी उलथापालथ पाहायला मिळत आहे. यूपीमध्ये आतापर्यंतच्या निकालांमध्ये समाजवादी पक्ष सर्वात मोठा पक्ष म्हणून पुढे येताना दिसत आहे. अखिलेश यांची सपा सध्या 37 जागांवर आघाडीवर आहे, तर भाजप 32 जागांवर आघाडीवर आहे. 17 जागांवर निवडणूक लढवणारी काँग्रेस सध्या 8 जागांवर आघाडीवर आहे.
इंदूरमध्ये एक अनोखा विक्रम नोंदवला गेला आहे, जिथे नोटाला सुमारे दोन लाख मते मिळाली. खरं तर, काँग्रेसचे उमेदवार अक्षय बम यांनी आपले नाव मागे घेतले होते, त्यानंतर काँग्रेसने कोणालाही पाठिंबा दिला नाही आणि सांगितले की, जनतेकडे NOTA चा पर्याय आहे. अशा परिस्थितीत काँग्रेसच्या उमेदवाराला मतदान करणाऱ्यांपैकी अनेकांनी NOTA चा पर्याय निवडल्याचे मानले जात आहे.
शरद पवार यांनी बिहारचे मुख्यमंत्री नितीश कुमार यांच्याशी चर्चा केली आहे. सूत्रांनी दिलेल्या माहितीनुसार, लोकसभा निवडणुकीच्या निकालाचा कल लक्षात घेऊन शरद पवार यांनी नितीश कुमार यांच्याशी चर्चा केली आहे. तर स्टॅलिन चंद्राबाबू नायडू यांच्या संपर्कात आहेत.
केंद्रीय मंत्री स्मृती इराणी यांना अमेठीमध्ये धक्का बसताना दिसत आहे. निवडणूक आयोगाच्या वेबसाइटनुसार, स्मृती यांचे प्रतिस्पर्धी आणि काँग्रेस नेते केएल शर्मा त्यांच्या 75 हजारांहून अधिक मतांनी आघाडीवर आहेत.
केरळच्या त्रिशूर लोकसभा मतदारसंघातील भारतीय जनता पक्षाचे (भाजप) उमेदवार आणि अभिनेते-राजकारणी सुरेश गोपी हे त्यांच्या जवळच्या प्रतिस्पर्ध्यावर ५८,००० हून अधिक मतांनी आघाडीवर आहेत आणि विजयाच्या दिशेने वाटचाल करत आहेत.
यंदाच्या लोकसभा निवडणुकीत राहुल गांधी यांनी 2019 मधील सोनिया गांधी यांच्या 2,22,219 मताधिक्यापेक्षा अधिकचे मताधिक्य मिळवत विक्रम केला आहे.
यंदाच्या लोकसभा निवडणुकीच्या निकालात काँग्रेस 95 जागांवर आघाडीवर आहे. तर इंडिया आघाडीने 200 पेक्षा अधिक जागांवर आघाडी मिळवली आहे. त्यामुळे तब्बल दहा वर्षांनी काँग्रेसच्या दिल्ली मुख्यालयात जल्लोषाचे वातावरण आहे.
निवडणूक आयोगाच्या ट्रेंडनुसार भाजपच्या नेतृत्वाखालील एनडीए 300 जागांवर आघाडीवर आहे. इंडिया आघाडी 225 जागांवर आघाडीवर आहे.
उत्तर प्रदेश लोकसभा निकाल हा एनडीएसाठी मोठा धक्का ठरू शकतो, ज्यामुळे सरकार स्थापन करण्यासाठी आवश्यक असलेल्या बहुमतासाठी अनेक अडचणी निर्माण होऊ शकतात. मात्र, निवडणूक आयोगाकडून अद्याप निकाल जाहीर करण्यात येत असून अंतिम निकाल येणे बाकी आहे.
वाराणसीतील मतमोजणीच्या 15व्या फेरीनंतर भाजपच्या नरेंद्र मोदींना 343419 मते मिळाली. काँग्रेसचे अजय राय यांना २४९७४४ मते मिळाली. दिल्लीतील सातही जागांवर भाजपचे उमेदवार आघाडीवर आहेत.
लोकसभा निवडणुकीचे पूर्ण निकाल लागण्यापूर्वीच काँग्रेसने पंतप्रधान मोदींकडे राजीनामा मागितला आहे. काँग्रेस नेते जयराम रमेश यांनी लिहिले, 'आता मावळते पंतप्रधान माजी पंतप्रधान होणार हे सिद्ध झाले आहे. नैतिक जबाबदारी स्वीकारून राजीनामा द्या. हाच या निवडणुकीचा संदेश आहे.
लोकसभा निवडणुकीचे निकाल हळूहळू समोर येत आहेत. प्रत्येक क्षणाला चित्र बदलत आहे. एनडीए 298 जागांवर तर इंडिया आघाडी 226 जागांवर पुढे आहे. यावेळी भाजपला 272 चा जादुई आकडा गाठता येणार नाही असे दिसत आहे.
लोकसभा निवडणुकीची 2024 ची मतमोजणी सुरू होऊन साडेतीन तासांहून अधिक काळ लोटला आहे. आतापर्यंतच्या निकालानुसार अमेठीमधून काँग्रेसचे किशोरी लाल शर्मा २९ हजार मतांनी आघाडीवर आहेत. केंद्रीय मंत्री स्मृती इराणी अजूनही मागे आहेत.
यूपीमधील मोदी सरकारचे सहा मंत्री सध्या टीम इंडिया आघाडीच्या उमेदवारांच्या मागे आहेत.
महेंद्र नाथ पांडे, स्मृती इराणी, कौशल किशोर, अनुप्रिया पटेल, अजय मिश्रा पिछाडीवर आहेत.
हरियाणात रणजीत चौटाला, बंटो कटारिया, अभय सिंह चौटाला आणि नयना चौटाला यांच्या जागा अडकल्याचं दिसत आहे.
त्याचवेळी कॅप्टन अमरिंदर सिंग यांच्या पत्नी प्रनीत कौर पंजाबमधील पटियाला मतदारसंघावर पिछाडीवर आहेत.
केंद्रीय गृहमंत्री अमित शाह गांधीनगर लोकसभा मतदारसंघातून विजयी झाले आहेत. गांधीनगर जागेसाठी 14 उमेदवार रिंगणात होते.
एनडीए सध्या 290 जागांवर पुढे आहे. इंडिया आघाडी 230 जागांवर आघाडीवर आहे. इतर पक्ष 21 जागांवर आघाडीवर आहेत. सध्या एकट्या भाजपबद्दल बोलायचे झाले तर ते 239 जागांवर आघाडीवर आहे. अशा स्थितीत एकट्या भाजपला बहुमत मिळणे कठीण आहे.
मध्य प्रदेशमध्ये लोकसभा निवडणुकीची 2024 च्या मतमोजणी सुरू आहे. राज्यातील सर्व 29 लोकसभा जागांवर भाजप आघाडीवर आहे. राज्यात मतमोजणी सुरू असताना एक मोठी बातमी समोर आली आहे, येथे राजगड मतदारसंघातील काँग्रेसचे उमेदवार आणि माजी मुख्यमंत्री दिग्विजय सिंह यांनी काही ठिकाणी मतमोजणी थांबवली आहे. दिग्विजय सिंह यांनी सारंगपूर विधानसभा मतदारसंघात काही ठिकाणी मतमोजणी थांबवली आहे.
तेलंगणात भाजपने आपल्या कामगिरीत लक्षणीय सुधारणा केली आहे. राज्यात लोकसभेच्या आठ जागांवर भाजप आघाडीवर आहे. काँग्रेस आठ जागांवर पुढे आहे.
हैदराबाद लोकसभा मतदारसंघात AIMIM प्रमुख असदुद्दीन ओवेसी हे भाजपच्या माधवी लता यांच्यावर 44 हजारांहून अधिक मतांनी आघाडीवर आहेत.
भाजप बहुमताचा आकडा गाठू शकेल का, हा मोठा प्रश्न आहे. कारण सध्या ते केवळ 232 जागांवर आघाडीवर आहे. बहुमताचा आकडा 272 आहे. दुसरीकडे शेअर बाजारातही मोठी घसरण पाहायला मिळत आहे.
सेन्सेक्स 3000 हून अधिक अंकांनी घसरला आहे. विशेष म्हणजे एसबीआय, एलआयसी आणि एचएएलसह रेल्वेच्या शेअर्समध्ये मोठी घसरण पाहायला मिळत आहे.
पश्चिम बंगालच्या सुरुवातीच्या कलमध्ये टीएमसीचा डंका पाहिला मिळत आहे. राज्यात 41 पैकी 28 जागांवर टीएमसी आघाडीवर आहे. तर भाजप केवळ 10 जागांवर तर काँग्रेस दोन जागांवर पुढे आहे. सीपीआयएमही एका जागेवर पुढे आहे.
केरळच्या तिरुवनंतपुरम मतदारसंघातून भाजपचे राजीव चंद्रशेखर ४९०० मतांनी पुढे आहेत. काँग्रेसचे शशी थरूर मागे पडले आहेत. तर अयोध्येत भाजप पिछाडीवर दिसत आहे.
गुजरातमध्ये भाजप क्लीन स्वीपकडे वाटचाल करत आहे. राज्यातील 26 पैकी 24 जागांवर भाजप आघाडीवर असून भाजपने एका जागेवर विजय मिळवला आहे. काँग्रेस एका जागेवर पुढे आहे.
केरळमध्ये काँग्रेसने आघाडी घेतली आहे. तर भाजप २ जागांवर आघाडी मिळवली आहे. केरळच्या तिरुवनंतपुरम मतदारसंघातून भाजपचे राजीव चंद्रशेखर ४९०० मतांनी पुढे आहेत. काँग्रेसचे शशी थरूर मागे पडले आहेत.
महाराष्ट्रात भाजप 12, शिवसेना (ठाकरे गट) 10, काँग्रेस 9, राष्ट्रवादी (शरद पवार गट) 8 जागांवर आघाडीवर आहे. येथे इंडिया आघाडी एनडीएवर मात करत असल्याचे दिसत आहे.
दिल्ली- भाजप 6, काँग्रेस 1
आंध्र प्रदेश- टीडीपी 15, वायएसआरसीपी 3, भाजप 3
बिहार- जेडीयू 12, भाजप 9, एलजेपी 5, आरजेडी 3, काँग्रेस 2
छत्तीसगड- भाजप 9, काँग्रेस 2
गोवा- भाजप१, काँग्रेस 1
गुजरात- भाजप २५, काँग्रेस १
हरियाणा- काँग्रेस ५, भाजपा ४, आप १
हिमाचल प्रदेश- भाजपा ४
जम्मू काश्मीर- एनसी २, भाजपा २
उत्तर प्रदेशात भाजप 36 जागांवर आघाडीवर आहे, तर सपा 33 जागांवर आघाडीवर आहे आणि आरएलडी 2 जागांवर आघाडीवर आहे.
अमेठी लोकसभा मतदारसंघात स्मृती इराणी १५०६० पिछाडीवर दिसत आहे, तर काँग्रेसचे केएल शर्मा आघाडीवर आहेत.
वाराणसी लोकसभा मतदारसंघातून पंतप्रधान नरेंद्र मोदी पुढे आहेत.
डिंपल यादव १६५९२ मतांनी पुढे आहेत.
अमेठी लोकसभा मतदारसंघातून काँग्रेसचे उमेदवार किशोरी लाल शर्मा ९५९० मतांनी पुढे आहेत.
गांधीनगर मतदारसंघातून अमित शाह २ लाखांहून अधिक मतांनी पुढे आहेत
लोकसभा निवडणुकीच्या निकालांच्या कलमध्ये एनडीए सध्या 291 जागांनी पुढे आहे. भाजप 242, टीडीपी 17 आणि जेडीयू 13 जागांवर आघाडीवर आहे.
तर इंडिया अलायन्स 210 जागांसह पुढे आहे. यामध्ये काँग्रेस 91, सपा 29 आणि टीएमसी 22 जागांवर आघाडीवर आहे.
मतमोजणी सुरू आहे. दरम्यान, प्रत्येक क्षणी चित्रही बदलत आहे. सर्वात मनोरंजक लढत दिल्लीत आहे. इथे कधी भाजप पुढे तर कधी इंडिया आघाडी पुढे जात आहे.
सध्या भाजप २७५ जागांवर आघाडीवर असून इंडिया २२५ जागेवर आघाडीवर आहे.
वाराणसी मधून पंतप्रधान मोदी ५ हजार मतांनी पिछाडीवर आहे. तर केरळच्या वायनाड लोकसभा मतदारसंघातून काँग्रेसचे उमेदवार राहुल गांधी ८७१८ मतांनी आघाडीवर आहेत.
निवडणूक आयोगाच्या आकडेवारीनुसार, सकाळी 9.30 वाजेपर्यंत, उत्तर प्रदेशमध्ये सपा 33 जागांवर आघाडीवर आहे. तर भाजप 28 जागांवर पुढे आहे. काँग्रेस 7 जागांवर आघाडीवर आहे. तर आरएलडी एका जागेवर आघाडीवर आहे.
वाराणसी लोकसभा मतदारसंघाचे सुरुवातीचे कल धक्कादायक आहेत. आतापर्यंतच्या कलनुसार पंतप्रधान नरेंद्र मोदी येथे मागे आहेत.
इंडिया आघाडीचा आकडा 200 च्या पुढे गेला आहे. 532 जागांच्या कलमध्ये 201 जागा मिळाल्या आहेत. त्याचबरोबर एनडीएला 271 जागा मिळाल्या आहेत.
आज लोकसभा निवडणूक 2024 च्या निकालाचा दिवस असून मतमोजणी सुरू झाली आहे. आतापर्यंत समोर आलेल्या कलमध्ये NDA 290 जागांवर आघाडीवर आहे, तर INDIA Alliance फक्त 210 जागांवर आघाडीवर आहे.
बुरहानपूरमधून काँग्रेसचे अधीर रंजन चौधरी आघाडीवर आहेत. सुरुवातीच्या कलमध्ये युसूफ पठाण मागे आहे.
बंगालमध्ये भाजप आणि तृणमूल काँग्रेसमध्ये निकराची लढत आहे. भाजप 17 जागांवर तर टीएमसी 18 जागांवर आघाडीवर आहे.
एनडीएने बहुमताचा आकडा गाठला आहे. 455 जागांसाठी कल आला आहे. NDA 293 जागांवर आघाडीवर असून भारत 145 जागांवर आघाडीवर आहे. इतरांना 17 जागा मिळाल्या आहेत.
उत्तर प्रदेशातील वाराणसी लोकसभा मतदारसंघातून पंतप्रधान आघाडी करत आहेत.
201 जागा ओलांडल्या आहेत. इंडिया 113 जागांवर पुढे आहे. दिल्लीच्या ईशान्य मतदारसंघातून भाजपचे मनोज तिवारी पुढे आहेत.
केरळमधील तिरुअनंतपुरम मतदारसंघातून काँग्रेसचे शशी थरूर पिछाडीवर आहेत.
सुरुवातीच्या आघाडीनंतर सुप्रिया सुळे बारामती मतदारसंघातून मागे पडल्या आहेत.
गांधीनगरमधून अमित शहा आघाडीवर आहेत.
आग्रा येथून भाजपचे एसपी सिंह बघेल पुढे आहेत.
भाजपचे नेते मोदी, शिवराज, गडकरी, रुडी आघाडीवर आहेत.
दिल्लीतील सातही लोकसभा जागांवर भाजप आघाडीवर आहे. करकटमधून उपेंद्र कुशवाह पिछाडीवर आहेत.
NDA 115 जागांवर आघाडीवर आहे, तर भारत आघाडी 57 जागांवर आघाडीवर आहे.
वायनाड आणि रायबरेली या दोन्ही जागांवर राहुल गांधी आघाडीवर आहेत.
हरियाणात भाजपचे उमेदवार मनोहर लाल खट्टर आणि नवीन जिंदाल पिछाडीवर आहेत.
पहिला कल समोर आला आहे. पहिल्या पंधरा मिनिटात एनडीएला 101 तर भारताला 49 जागेवर आघाडी घेतली आहे.
लोकसभा निवडणुकीसाठी देशभरात मतमोजणी सुरू झाली आहे. सर्वप्रथम पोस्टल मतपत्रिकांची मोजणी केली जात आहे. पहिला कल हाती आला आहे. भाजपा 8 तर इंडिया 6
देशात लोकसभा निवडणुकीची मतमोजणी सुरू झाली आहे.
तामिळनाडू हे सर्वाधिक लोकसभेचे राज्य आहे. एक्झिट पोलच्या आकडेवारीवर नजर टाकली तर दक्षिण भारतातील तामिळनाडूमध्ये एनडीएचे नुकसान होत असल्याचे दिसते. त्याचवेळी एनडीएला कर्नाटकात धार मिळण्याची शक्यता वर्तवली जात आहे.
भाजप कार्यालयाबाहेर होम सुरू झाले आहे. भाजप ४०० पार जावं यासाठी केदारनाथ वरून आलेल्या पंडित यांच्याकडून होम सुरू केला आहे.
लोकसभा निवडणुकीची मतमोजणी थोड्याच वेळात सुरू होणार आहे, मात्र त्याच दरम्यान पश्चिम बंगालमधील जाधवपूरमध्ये स्फोट झाला आहे. उत्तर काशीपूर, चालताबेरिया येथे झालेल्या स्फोटात आयएसएफच्या पंचायत सदस्यासह ५ जण गंभीर जखमी झाले आहेत.
बॉम्ब बनवताना हा स्फोट झाल्याचे बंगाल पोलिसांनी सांगितले. सर्व जखमींवर एसएसकेएम रुग्णालयात उपचार सुरू आहेत.
कडेकोट बंदोबस्तात मतमोजणी सुरू होणार आहे.
सकाळी ८ वाजता मतमोजणीला सुरुवात होणार आहे. पोस्टल मतपत्रिकांची मोजणी आधी सुरू होईल. अर्ध्या तासानंतर इलेक्ट्रॉनिक व्होटिंग मशिन्समध्ये (ईव्हीएम) नोंदवलेल्या मतांची मोजणी सुरू होईल.
लोकसभा निवडणुकीच्या निकालादरम्यान संपूर्ण देशाचे लक्ष उत्तर प्रदेशकडे असणार आहे. यूपीमध्ये लोकसभेच्या एकूण 80 जागा आहेत. भाजपच्या नेतृत्वाखालील एनडीए आघाडीने गेल्या दोन निवडणुकांमध्ये यूपीमध्ये आपला ठसा उमटवला आहे.
यावेळीही ते उत्तर प्रदेश लोकसभा निवडणुकीत 70 हून अधिक जागा जिंकण्याचा दावा करत आहेत.
आज सकाळी ८ वाजल्यापासून मतमोजणीला सुरुवात होणार आहे. देशभरात लोकसभेच्या एकूण 542 जागांसाठी मतमोजणी सुरू होणार आहे. सुरतमध्ये भाजपचा उमेदवार बिनविरोध विजयी झाला आहे.
दिल्लीच्या भाजप कार्यालयात आजापासूनच विजयाची तयारी सुरु झाली आहे. भाजप कार्यालयात पुरी आणि गोडधोड पदार्थ बननले जात आहेत.
इंडिया आघाडी सरकार स्थापन करणार आहे. आम्हाला २९५ पेक्षा कमी जागा मिळणार नाहीत, असा विश्वास आरजेडी नेता तेजस्वी यादव यांनी व्यक्त केला आहे.
थोड्याच वेळात मतमोजणीला सुरुवात होणार आहे. दुपारी एक वाजेपर्यंत कल स्पष्ट होतील. त्याआधीच राजस्थानमधील भारतीय जनता पक्षाचे कार्यालय सजले आहे. एएनआयने यासंदर्भातील माहिती दिली आहे.
जम्मू आणि काश्मीर लोकसभा निवडणुकीच्या मतमोजणीच्या तयारीबाबत, जम्मूचे उपायुक्त सचिन कुमार म्हणाले, "आजची सर्व तयारी पूर्ण झाली आहे... कर्मचाऱ्यांना प्रशिक्षणही देण्यात आले आहे तसेच त्यांना आेळख पत्र दिले, मतमोजणी केंद्रासह जम्मू आणि काश्मीर शहरातील सर्व प्रमुख चौक येथे 100 मीटर परिसरात कलम 144 चे प्रतिबंधात्मक आदेश लागु केले .
लोकसभा निवडणुकीच्या 2024 च्या मतमोजणीपूर्वी, उत्तर-पूर्व दिल्ली जिल्हा पोलिसांनी निमलष्करी दलांसह सुरक्षा वाढवली आहे.सुरक्षा कर्मचारी दिल्लीतील नंद नगरी, सीलमपूर, दयालपूर, सोनिया विहार आणि भजनपुरा भागात सखोल गस्त आणि तपासणी करत आहेत.
काँग्रेसचे उमेदवाराने छत्तीसगडमधील इव्हीएम मशिनच्या संख्येत विसंगती असल्याचा आरोप केला होता. यावर छत्तीसगड मुख्य निवडणूक अधिकाऱ्यांनी ट्विट करून या आरोपाला कोणताही आधार नाही. रिटर्निंग ऑफिसरने दिलेल्या यादीप्रमाणाचे सर्व इव्हीएम मशिन असल्याचे सांगितले.
काँग्रेसचे अध्यक्ष मल्लिकार्जुन खर्गे यांनी देशातील सर्व प्रशासकीय अधिकाऱ्यांना उद्येशून एक खुलं पत्र लिहिलं आहे. या पत्रात त्यांनी गेल्या 10 वर्षात संविधानावर कसा पद्धतशीर हल्ला झाला हे सांगत आता कोणत्याही दबावाला बळी न पडण्याचं आवाहन केलं.
लोकसभा निवडणुकीच्या मतमोजणीला मंगळवारी सकाळी आठ वाजल्यापासून देशभरात सुरुवात होईल. तर दुपारी बारा वाजेपर्यंत निकालाबाबतचे बरेचसे चित्र स्पष्ट होईल, असा अंदाज आहे. यादरम्यान मोबाईलसहित इतर इलेक्ट्रॉनिक गॅझेट मतमोजणी केंद्रावर नेण्यास मनाई करण्यात आली आहे. मतमोजणीसोबतच व्हीव्हीपॅट स्लिपची पडताळणी केली जाईल. प्रत्येक फेरीतील मतमोजणीनंतर पर्यवेक्षक, उमेदवारांचे एजंट सहमती देतील आणि स्वाक्षरी करतील. यानंतर निवडणूक अधिकाऱ्याची स्वाक्षरी होईल.
चेन्नई, तामिळनाडू : तेलंगणाचे माजी राज्यपाल आणि सध्याचे भाजपचे दक्षिण चेन्नईचे उमेदवार तमिलिसाई सुंदरराजन यांनी उद्या लोकसभा निवडणुकीच्या निकालापूर्वी वडापलानीच्या भगवान मुरुगन मंदिरात प्रार्थना केली.
- १९९६ च्या निवडणुकीत १३,५२ जण रिंगणात होते, त्यानंतरचे सर्वाधिक उमेदवार याच निवडणुकीत
- प्रत्येक मतदारसंघातून सरासरी १५ उमेदवार
- तेलंगणमध्ये प्रत्येक मतदारसंघातून सरासरी ३१ उमेदवार, तर नागालँड व लडाखमध्ये तीन उमेदवार
- तमिळनाडूमधील करूर मतदारसंघात सर्वाधिक ५४ उमेदवार (पैकी ४६ अपक्ष)
पक्ष व उमेदवार
- बसप : ४८८
- भाजप : ४४१
- काँग्रेस : ३२८
- माकप : ५२
- आप : २२
- सप : ७१
- तृणमूल : ४८
- अण्णा द्रमुक : ३६
- भाकप : ३०
- वायएसआर काँग्रेस : २५
- राजद : २४
- द्रमुक : २२
लोकसभा निवडणूक २०२४
टप्पे : ७ (१९ एप्रिल ते १ जून)
उमेदवार : ८,३६०
राष्ट्रीय पक्षांतर्फे : १६ टक्के
प्रादेशिक पक्षांतर्फे : ६ टक्के
अपक्ष : ४७ टक्के
छोटे पक्ष : ३१ टक्के
एकूण पक्ष : ७४४
उमेदवारांचे सरासरी वय : ४८
विद्यमान खासदार असलेले : ३२७
इतर पक्षांतर्फे लढणारे विद्यमान खासदार : ३४
विद्यमान मंत्री : ५३
१८ व्या लोकसभेसाठी झालेल्या निवडणुकीच्या निकालाला काही तासच शिल्लक असून यंदा देशभरातून आठ हजारांहून अधिक उमेदवार रिंगणात आहेत. यापैकी जवळपास एक पंचमांश उमेदवार राष्ट्रीय आणि प्रादेशिक पक्षांचे असून बाकीचे सुमारे ८० टक्के उमेदवार हे अपक्ष आणि इतर स्थानिक व अमान्यताप्राप्त पक्षांचे आहेत. ‘पीआरएस लेजिस्लेटिव्ह रिसर्च’ या संस्थेने ही आकडेवारी प्रसिद्ध केली आहे.
Lok Sabha Election 2024 Results Live Updates News : 2024 च्या लोकसभा निवडणुकीच्या निकालाची प्रतीक्षा आता संपली. पुढील 5 वर्षे देशात मोदी सरकार राहणार की सत्तापरिवर्तन होणार हे आज काही तासात ठरणार आहे. देशभरात लोकसभेच्या एकूण 542 जागांसाठी मतमोजणी होणार आहे. सुरतमध्ये भाजपचा उमेदवार बिनविरोध विजयी झाला आहे.
2024 च्या लोकसभा निवडणुकीच्या निकालाबाबत भाजप आणि विरोधकांचेही आपापले दावे आहेत. एकीकडे भाजप 400 पार करण्याचा नारा सतत देत आहे, तर दुसरीकडे काँग्रेस, ममता बॅनर्जी आणि अखिलेश यादव यांसारखे नेते 2024 मध्ये इंडिया आघाडीचे सरकार स्थापन होणार असल्याचा दावा करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.