कोहिमा : लोकसभा निवडणूक लढण्यासाठी आणि जिंकण्यासाठी काँग्रेस आवश्यक तेवढा त्याग करेल, प्रसंगी मित्रपक्षांसाठी स्वतःच्या जागाही सोडायला तयार आहे, असे अखिल भारतीय काँग्रेसचे राष्ट्रीय प्रवक्ते मॅथ्यू अँटनी यांनी शनिवारी (ता. २३) येथे सांगितले. कोहिमा येथील काँग्रेस भवनात झालेल्या पत्रकार परिषदेत अँटनी बोलत होते. ते म्हणाले, की राहुल गांधी यांच्या ‘भारत जोडो’ यात्रेनंतर पक्षाला देशभरातील लोकांकडून पाठिंबा मिळत आहे.
पक्षासाठी हा कठीण काळ आहे, तथापि देशातील लोकांचा आम्हाला पाठिंबा मिळत आहे. लोकसभेसाठी काँग्रेस आवश्यक तेवढा त्याग करण्यास तयार आहे. आमची संसाधनांची कमतरता आम्हाला लोकांच्या पाठिंब्याने खऱ्या भावनेने निवडणूक लढण्यापासून रोखणार नाही. सरकार आपल्या प्रचारात अडथळा आणण्यासाठी काँग्रेसची बँक खाती गोठवत असल्याचा आरोप त्यांनी केला. अँटनी म्हणाले, की काँग्रेस संविधानाने दिलेले स्वातंत्र्य कायम राखेल.
जर ‘इंडिया आघाडी’ सत्तेवर आली तर भाजपच्या सत्ताकाळात वाढीस लागलेल्या महिला सुरक्षा, बेरोजगारी आणि महागाईच्या मुद्यांना प्राधान्य देईल. आम्ही लोकांच्या चिंतेकडे लक्ष देऊ आणि शेतकऱ्यांसाठी ‘एमएसपी’ची हमी देऊ, ३० लाख नोकऱ्यांची हमी देऊ आणि तरुण, महिलांच्या फायद्यासाठी विविध योजना लागू करू. तसेच काँग्रेसने नेहमीच आश्वासनांची पूर्तता केली आहे, असा दावाही त्यांनी केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
