पुणे : ‘‘मोदी सरकारने गेल्या १० वर्षांत पायाभूत सुविधांसह दळणवळणाच्या सुविधांमध्ये सुधारणा केली आहे. ३० कोटी तरुणांना रोजगार दिला. दरवर्षी दीड कोटी भविष्यनिर्वाह निधीची खाती उघडली जात आहेत. मोदी सरकारच्या विरोधात बोलण्यासाठी कोणताही मुद्दा नसलेल्या काँग्रेसकडून हताशपणे खोटा प्रचार केला जात आहे,’’ अशी टीका भाजपचे माजी केंद्रीय मंत्री प्रकाश जावडेकर यांनी केली.
लोकसभा निवडणुकीच्या पार्श्वभूमीवर जावडेकर यांनी पत्रकार परिषदेत त्यांचे मुद्दे मांडले. या वेळी समन्वयक संदीप खर्डेकर, संजय मयेकर, हेमंत लेले, पुष्कर तुळजापूरकर, शैलेश बडदे उपस्थित होते. जावडेकर म्हणाले, ‘‘ही निवडणूक म्हणजे खरे काम आणि खोटा प्रचार यांच्यातील लढाई आहे.
सरकारने गेल्या १० वर्षांत देशांतील लोहमार्गांचे जाळे दुप्पट केले. पाच हजार स्थानके बांधली. रेल्वेचे पाचपट विद्युतीकरण केले. देशात ७४ विमानतळ होती, आता ती १६९ झाली आहेत. प्रतिदिन ३० किलोमीटर लांबीचे महामार्ग तयार केले जात आहेत. घरोघरी स्वच्छतागृह, डीबीटीमुळे लाभार्थ्यांना थेट योजनांचा लाभ तसेच डिजिटल इंडियामुळे इंटरनेटचे जाळे विस्तारले.
’’ मुद्रा योजनेद्वारे दहा हजार कोटी रुपयांची कर्जे दिली आहेत. एकूण ३० कोटी तरुणांना रोजगार दिला असून, दहा लाख जणांना सरकारी नोकऱ्या मिळाल्या आहेत.’’नरेंद्र मोदी सरकारने अनेक कामे केली आहेत. त्यामुळे भाजप ४०० पेक्षा जास्त जागा देशात जिंकणार आहे. पण विरोधकांकडे मुद्दा नसल्याने खोटा प्रचार करून जागा कमी करण्याचा प्रयत्न केला जात असल्याची टीकाही जावडेकर यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
