नवी दिल्ली : लोकसभा निवडणुकीमध्ये एकूण ७३ महिलांनी विजय मिळविला. सर्वाधिक ११ महिला पश्चिम बंगालमधून निवडून आल्या आहेत. गेल्यावेळी, २०१९मध्ये ७८ महिला लोकसभेत गेल्या होत्या.
महिलांसाठी राखीव जागा ठेवण्याबाबतचे विधेयक लोकसभेत मंजूर झाल्यानंतरची ही पहिलीच निवडणूक होती. या विधेयकाची अंमलबजावणी अद्याप व्हायची आहे. यावेळी ७९७ महिला उमेदवार रिंगणात उतरल्या होत्या.
सर्वाधिक ६९ महिलांना भाजपने संधी दिली होती, त्याखालोखाल ४१ महिलांना काँग्रेसने संधी दिली होती. भाजपच्या ३०, काँग्रेसच्या १४, तृणमूलच्या ११, समाजवादी पक्षाच्या चार, द्रमुकच्या तीन आणि संयुक्त जनता दल आणि एलजेपी(आर)च्या प्रत्येकी दोन महिला उमेदवार विजयी झाल्या आहेत.
यामुळे १८ व्या लोकसभेतील महिलांच्या प्रमाणाची टक्केवारी १३.४४ झाली आहे. १७ व्या लोकसभेत ७८ महिला सदस्य होत्या. त्याच्या एकूण जागांच्या प्रमाणातील टक्केवारी १४ होती. १६व्या लोकसभेत ६४, तर १५ व्या लोकसभेत ५२ महिला सदस्य होत्या. पहिल्या आणि दुसऱ्या लोकसभेत प्रत्येकी २४ महिला खासदार होत्या.
समाजवादी पक्षाच्या प्रिया सरोज (वय २५) आणि कैरानातून निवडून आलेल्या इकरा चौधरी (वय २९) या सर्वांत तरुण खासदार असतील.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.