Congress: ​चोवीस तासाच्या आत काँग्रेसचा यु-टर्न; INDIA आघाडीच्या बैठकीत घेतला मोठा निर्णय

नवी दिल्ली : लोकसभा निवडणुकीचं आज शेवटच्या टप्प्यातील मतदान पार पडतं आहे. त्यानंतर लगेचच टीव्ही चॅनेल्सवर एक्झिट पोल्स जाहीर होणार आहेत. या पोल्सच्या चर्चेत सहभागी न होण्याचा निर्णय काल रात्री जाहीर केला होता. यापार्श्वभूमीवर आज इंडिया आघाडीची बैठक पार पडली. या बैठकीनंतर काँग्रेसनं मोठा निर्णय घेतला आहे. (U turn by Congress within 24 hours big decision was taken in INDIA alliance meeting)

इंडिया आघाडीच्या बैठकीत काय चर्चा झाली?

इंडिया आघाडीच्या घटकपक्षांची बैठक आज दिल्लीत काँग्रेस अध्यक्ष मल्लिकार्जुन खर्गे यांच्या निवासस्थानी पार पडली. या बैठकीत विविध विषयांवर चर्चा झाली. त्यापैकी काही वेळात जाहीर होणाऱ्या एक्झिट पोल्सवरील चर्चांमध्ये सहभागी होण्याचा निर्णय घेण्यात आला. या चर्चांमधून भाजपला आणि त्यांच्या इकोसिस्टिमला उघड पाडण्याचा प्रयत्न केला जाईल.