आगामी महापालिका, लोकसभा आणि विधानसभेच्या सर्व कुस्त्या शिंदे-फडणवीस जिंकणार आहे, असा विश्वास उदय सामंत यांनी व्यक्त केला.
सोलापूर : महाविकास आघाडीला लवकरच मोठं भगदाड पडणार आहे. तब्बल 20 ते 22 आमदार आमच्या संपर्कात असून लवकरच ते भाजपात (BJP) येतील, असा मोठा गौप्यस्फोट उद्योगमंत्री उदय सामंत (Uday Samant) यांनी केला.
माढा (Madha) तालुक्यातील टेंभूर्णीत आयोजित करण्यात आलेल्या कुस्ती स्पर्धेच्या कार्यक्रमात सामंत बोलत होते. राजकारण्यांनी देखील कुस्तीप्रमाणं खिलाडूवृत्ती शिकावी. आगामी महापालिका, लोकसभा आणि विधानसभेच्या सर्व कुस्त्या शिंदे-फडणवीस जिंकणार आहे, असा विश्वासही यावेळी उदय सामंत यांनी व्यक्त केला.
बच्चू कडू यांच्या संपर्कात महाविकास आघाडीमधील 10 ते 12 आमदार तर 8 ते 10 आमदार माझ्या संपर्कात असल्यानं एकूण 20 ते 22 आमदार संपर्कात आहेत, असा गौप्यस्फोट सामंत यांनी केला. दरम्यान, टेंभुर्णीत शिवसेना नेते संजय बाबा कोकाटे यांनी कुस्ती स्पर्धेचं आयोजन केलं होतं. यावेळी उदय सामंत यांच्यासह ज्येष्ठ नेते विजयसिंह मोहिते पाटील, शिंदे गटाचे संपर्क प्रमुख शिवाजी सावंत उपस्थित होते.
या कुस्ती स्पर्धेला पुणे, सातारा, कोल्हापूरसह सोलापूर जिल्ह्यातील नामांकित कुस्तीपटूंनी हजेरी लावली होती. टेंभूर्णीत आयोजित कुस्ती स्पर्धा पाहण्यासाठी जवळपास 25 हजार कुस्ती शौकिनांची उपस्थिती होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
