मुख्यमंत्री एकनाथ शिंदे समर्थक 50 आमदार, आणि 13 खासदारांसह कामाख्या देवीच्या दर्शनासाठी 26 आणि 27 नोव्हेंबर रोजी गुवाहाटीला जाणार आहेत. शिवसेनेत बंड केल्यानंतर शिंदे कामाख्या देवीला नवस बोलले होते, तो नवस फेडण्यासाठी हा दौरा आखल्याची माहिती शिंदे गटातील आमदार प्रताप सरनाईक यांनी दिली आहे.
या गुवाहाटी दौऱ्यादरम्यान एकनाथ शिंदे गुवाहाटीचे मुख्यमंत्री, राज्यपाल आणि पोलिस आयुक्तांना भेटणार आहेत. जून महिन्यात महाराष्ट्रातील राजकीय घडामोडी घडल्या त्या काळात शिंदे यांना आसामच्या ज्या व्यक्तींनी मदत केली त्यांना भेटणार आहेत. या दौऱ्यात कामाख्या देवीच्या मंदिरात शिंदेंकडून विशेष पूजेचे नियोजन करण्यात आल्याची माहितीही यावेळी त्यांनी दिली आहे. आमदारांना एकत्रित बांधून ठेवण्यासाठी की रखडलेला मंत्रिमंडळ विस्तार मार्गी लावण्यासाठी हा दौरा आहे, असा प्रश्न उपस्थित केला जात आहे.
हे ही वाचा: Elon Musk Takeover Twitter : ट्विटरची टिवटिव थांबणार का?
इच्छा पूर्ण झाल्यामुळे देवीच्या दर्शनाला जाणार असल्याचं सरनाईक यांनी सांगितलं आहे. गुवाहाटीत 24 आणि 28 जून असे एकूण 2 वेळा एकनाथ शिंदे आपल्या समर्थक आमदार यांच्यासोबत कामाख्या देवीचे दर्शणासाठी गेले होते. राज्यामध्ये सत्ता आली तर सर्वांना घेऊन दर्शनाला येईन,’ असा नवस ते बोलले होते. तो फेडण्यासाठी शिंदे आता गुवाहाटीला चालले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
