गेल्या २४ तासांत कोयनानगर येथे आठ, नवजाला २३ आणि महाबळेश्वरला (Mahabaleshwar) ४२ मिलिमीटर पावसाची नोंद झाली आहे.
पाटण : कोयना धरण (Koyna Dam) पाणलोट क्षेत्रासह तालुक्यात सलग दुसऱ्या दिवशी पावसाने पूर्ण उघडीप दिली आहे. कोयना धरणाचा एकूण पाणीसाठा ८२.३१ टीएमसी झाला असून, जलाशयात प्रतिसेकंद आठ हजार ९९८ क्युसेक पाण्याची आवक होत आहे.
गेल्या २४ तासांत कोयनानगर येथे आठ, नवजाला २३ आणि महाबळेश्वरला (Mahabaleshwar) ४२ मिलिमीटर पावसाची नोंद झाली आहे. पायथा वीजगृहातून दोन हजार १०० क्युसेक पाण्याचा विसर्ग सुरू आहे. दरम्यान, रविवारी दिवसभरात कधीतरी रिमझिम पावसाच्या सरी पडत होत्या.
मात्र, काल पावसाने चांगलीच उघडीप दिली आहे. गेली महिनाभर असणारे ढगाळ वातावरण आज पाहावयास मिळाले नाही. खरिपाच्या पेरण्या झाल्यापासून सातत्याने पाऊस पडत होता.
त्यामुळे खरिपाच्या पिकांची आंतर मशागतीच्या कामांना वेग आला नव्हता. सततच्या पावसाने पिके समाधानकारक स्थितीत नाहीत. मात्र, रविवारपासून पावसाने उघडीप दिल्याने आता खरीप हंगामातील पिकांना योग्य वातावरण झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
