हे सरकार बरखास्त करण्याची मागणी केली; राज्यपालांच्या भेटीनंतर नाना पटोले यांची माहिती

मुंबई - नांदेडमध्ये शासकीय रुग्णालयात झालेल्या मृत्यूमुळे राज्याचं राजकारण ढवळून निघालं आहे. यावरून विरोधक आक्रमक झाले आहे. या घटनेविरोधात कॉंग्रेसच्या शिष्टमंडळाने आज राज्यपाल रमेश बैस यांची भेट घेतली.

राज्यात महिनाभर निरपराध लोकांचे जीव औषध न मिळाल्याने गेले. त्या प्रत्येक कुटुंबाला १० लाखाची मदत करावी अशी मागणी आम्ही राज्यपालाकंडे केली. हे सरकार बरखास्त करावं अशी मागणीही केल्याचं, काँग्रेसचे प्रदेशाध्यक्ष नाना पटोले यांनी म्हटलं आहे.

दरम्यान हे दिवाळे निघालेले सरकार आहे. हे उधळपट्टी करत आहेत. जनतेचा कष्टाचा पैसा हे उधळत आहेत. भ्रष्टचाराने माखलेले हे सरकार आहे. यांनी सर्वसामान्यांचा खून सरकारी रूग्णालयात केला आहे. आम्ही राज्यपालांना सांगितले की, सरकारपासून संरक्षण करावे, असंही नाना पटोले यांनी म्हटलं.

दरम्यान मलाईचा जुमला सुरू आहे. उच्च न्यायालयाने जे सुनावले. त्यामुळे राज्यपाल आणि न्यायालयावर आमचा विश्वास असल्याचंही नाना पटोले यांनी नमूद केलं.