विकास बाविस्कर : सकाळ वृत्तसेवा
Nashik News : उत्तम नगर येथील सर्वेश्वरमहादेव चौक या ठिकाणी एका घरात पहाटेच्या सुमारास चार्जिंगला लावलेल्या मोबाईलचा स्फोट झाल्याने घरात असलेले तिघे जखमी असून यातील एक जण गंभीर जखमी आहे. (A terrible blast of mobile phones in Nashik! The windows of the house broke)
उत्तम नगर येथील सर्वेश्वरमहादेव चौक या ठिकाणी भाडे तत्ववार राहणारे कुटुंबियांनी रात्री झोपताना चार्जिंगला लावलेल्या मोबाईलचा स्फोट झाला यावेळी शेजारी बॉडी स्प्रेच्या बाटल्यांचा देखिल स्फोट झाल्याने घरात असलेले तिघही सदस्य जखमी झाले आहे. यातील एक जण गंभीर जखमी असून तिघांनाही खासगी रुग्णालयात उपचारासाठी दाखल करण्यात आले आहे.
प्रसंगी स्फोट इतका भीषण होता की झालेल्या घराबाहेर लावलेल्या चारचाकी वाहनांच्या काचांना तडे गेले असून शेजारच्यांच्या घराच्या खिडक्यांची अशीच काही परिस्थिती झालेली आहे.
घटनेची माहिती समजताच परिसरातील काही नागरिकांनी जखमींना इस्पितळात उपचारासाठी दाखल केले.यामध्ये तुषार जगताप, शोभा पंडित जगताप, बाळकृष्ण तुळशीराम सुतार यांच्यावर उपचार सुरु आहेत.
शोभा जगताप यांची सून ब्युटी पार्लरचा व्यवसाय करतात यामुळे घरात बॉडी स्प्रे सारख्या इतरही बाटल्या होत्या. त्यांनी मोबाईलचा स्फोट झाल्यानंतर पेट घेतल्याने हा प्रकार घडला असण्याची शक्यता वर्तविण्यात येत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
