![Best Friend](http://media.assettype.com/esakal%2F2023-06%2F3d9198a4-e0f8-4caa-aa87-145326edb342%2Fesakal_News__21_.jpg?w=480&auto=format%2Ccompress&fit=max)
नागपूर: ‘बेस्टफ्रेंड स्वप्नात येऊन मला बोलाविते’. त्यामुळे सातत्याने तणावात असलेल्या २२ वर्षीय युवतीने विहिरीत उडी घेत आत्महत्या करीत, जीवन संपविले. ही घटना बुधवारी (ता.१४) वाठोड्यातील संताजीनगरात उघडकीस आली. ती दोन दिवसांपासून बेपत्ता असल्याची तक्रार मोठ्या भावाने दाखल केली होती.
प्रियंका नंदराव सराटे (वय २२, रा. चिराग आईस फ्रॅक्ट्रीजवळ, वाठोडा) असे तरुणीचे नाव आहे. प्रियंका एका चहाच्या दुकानात काम करायची. तिथे तिची संजीवनी नावाच्या मुलीशी मैत्री झाली. त्यातून दोघीचीही मैत्री इतकी घट्ट झाली की, त्या एकमेकींना सर्व काही शेअर करायच्या.
अनेकदा ती संजीवनीकडे राहायची. मात्र, तीन महिन्यांपूर्वी संजीवनीने अचानक आत्महत्या केली. त्यामुळे प्रियंका तणावात गेली. सातत्याने तिच्या आठवणीत राहायची. आपली मैत्रीण आपल्या स्वप्नात येते व आपल्याला बोलाविते असे ती सांगत असे.
गेल्या काही दिवसांपासून प्रियंका फार तणावात होती. दरम्यान मंगळवारी ती घरातून निघून गेली. त्यानंतर परत न आल्याने मोठ्या भावाने तक्रार दाखल केली. त्यातून पोलिसांनी शोध घेतला. काल तिचा मृतदेह विहिरीत आढळला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.