राज्याचे पर्यावरण मंत्री मंत्री आदित्य ठाकरे हे रत्नागिरी दौऱ्यावर आहेत. या दौऱ्यादरम्यान ते रत्नागिरीकडे जात असताना त्यांच्या ताफ्यातील गाडीला अपघात झाला असल्याची माहिती मिळत आहे. रत्नागिरीतील (Ratnagiri) खारेपाटण इथं त्यांच्या ताफ्यातील गाडीला अपघात झाला आहे. या अपघातामध्ये दोन गाड्यांचं मोठं नुकसान झालं आहे. सुदैवाने या अपघातात कोणतीही जीवितहानी झाली नसून आदित्य ठाकरेही (Aditya Thackeray) सुखरूप असल्याची माहिती आहे.
दरम्यान, या अपघातात आदित्य ठाकरे यांच्या सुरक्षा ताफ्यातील मधील दोन ते तीन गाड्यांना अपघात झाला आहे. मुंबई-गोवा (Mumbai Goa Highway) हायवेवरील खारेपाटण चेक पोस्टजवळ ही दुपारी आज सुमारे बाराच्या दरम्यान घडली आहे. आदित्य ठाकरे सिंधुदुर्गवरून रत्नागिरीकडे जात असताना हॉटेल मधुबन या ठिकाणी सुमारास हा अपघात झाला. यामध्ये आदित्य ठाकरे यांच्या गाडीच्या मागे या गाड्या असताना, एका गाडीने ब्रेक मारला असता. ताफ्यातील दोन ते तीन वाहने एकमेकांवर धडकल्या. या अपघातात कोणी जखमी झाले नसून वाहनांचे मात्र मोठे नुकसान झाले आहे.
दरम्यान, कालपासून पर्यावरण मंत्री आदित्य ठाकरे हे कोकण दौऱ्यावर (Konkan Tour) आहेत. रिफायनरी, पर्यटन अशा अनेक मुद्द्यावरून विकासाच्या दृष्टीने बदल करण्याच्या हेतून हा दौरा असल्याचे सांगितले आहे. नियोजित दौऱ्याप्रमाणे आज सकाळी ते सिंधुदुर्गवरून रत्नागिरीकडे जात असताना खारेपाटण येथे त्यांच्या सुरक्षा ताफ्यातील गाडीला अपघात झाला आहे. सुदैवाने यात कोणतीही हानी झाली नसुन सर्व सुखरुप आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
