मुंबई : महाराष्ट्र नवनिर्माण सेनेचे प्रमुख राज ठाकरे यांनी मशिदींवरील भोग्यांबाबत घेतलेल्या भूमिकेवर टीका होत आहे. ठाण्यातील उत्तरसभेत ठाकरे यांनी सदरील भूमिकेवर ठाम असल्याचे पुन्हा एकदा सांगितले. यावरच राज्याचे मंत्री आदित्य ठाकरे (Aaditya Thackeray) यांनी टीका केली आहे. यावर मला टिप्पणी करायची नाही. मात्र मनसेने भोंगे लावल्यास त्यावरुन वाढत्या महागाईविषयी जनतेला माहिती द्यावी. पेट्रोल-डिझेल, सीएनजी आणि इतर गोष्टींची दरवाढ कशामुळे झाली, हे मनसेने (MNS) सांगावे, असे आवाहन आदित्य ठाकरे यांनी मनसेला केला. (Aaditya Thackeray Criticize MNS For Mosque Loud Speaker)
मुंबईत आज गुरुवारी (ता.१४) प्रसारमाध्यमांशी ते बोलत होते. साठ वर्षांपूर्वीचा इतिहास न सांगता गेल्या दोन-तीन वर्षांमध्ये काय झाले, ते सांगावे, असे आवाहन आदित्य यांनी मनसेला केले. भोंग्याचे प्रकरण राज्यात चांगलेच तापले आहे. काहींनी मनसेच्या भूमिकेला विरोध केला आहे.
राज ठाकरे (Raj Thackeray) यांनी मशिदीवरील भोंग उतरवण्याची ३ मे ही शेवटची तारीख दिली आहे. भोंगे न उतरवल्यास हनुमान चालीसा लावण्याचे आवाहन त्यांनी गुढीपाडवा मेळावा आणि काही दिवसांपूर्वी पार पडलेल्या ठाण्यातील उत्तरसभेतही पुनरुच्चार केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
