Aaditya Thackeray: कृषीमंत्री अब्दुल्ल सत्तार यांना घेरण्यासाठी शिवसेनेच्या उद्धव ठाकरे गटानं आता नवी रणनिती आखली आहे. त्यानुसार आता आदित्य ठाकरे 7 नोव्हेंबरला बुलडाणा आणि सिल्लोडला सभा घेणार होते. मात्र त्यांच्या सभेला परवानगी नाकारली आहे.
अवकाळी पावसामुळं शेतकऱ्यांना जे नुकसान सोसावं लागलं त्यासाठी त्यांना लवकरात लवकर मदत मिळावी यासाठी शिवसेना आक्रमक झाली आहे. दरम्यान आदित्य ठाकरे सांगोल्याचे आमदार शहाजीबापू पाटील यांच्या मतदारसंघात सभा घेणार आहेत. आदित्य ठाकरे 9 नोव्हेंबर रोजी सोलापूर जिल्ह्याच्या दौऱ्यावर येणार असून सांगोला तालुक्यात सभा घेणार असल्याची माहिती सेनेचे नेते लक्ष्मण हाके यांनी दिली.
आदित्य ठाकरे पंढरपूरमध्ये विठ्ठलाचे दर्शन घेऊन सांगोला तालुक्यातील नुकसानग्रस्त भागाची पाहणी करणार आहेत. आदित्य ठाकरे शिंदेंच्या बंडानंतर अधिक सक्रीय झाले आहे. सांगोल्याचे आमदार शहाजीबापू पाटील यांच्या तालुक्यातील नुकसानग्रस्त शेताची बांधावर जाऊन पाहणी व शेतकऱ्यांशी संवाद साधणार आहेत. याच गावातून शहाजीबापू पाटील यांनी बांधावर जाऊन शेतकऱ्यांशी संवाद साधला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
