उद्धव ठाकरे-राज ठाकरे यांच्यातील वाद राज्याला सर्वश्रृत आहे. आता या सर्व घडामोडींमध्ये ठाकरेंची पुढची पिढी अदित्य आणि अमित ठाकरे यांच्यामध्येही वाद रंगल्याचे पाहालया मिळत आहे.
नुकताच शिवसेनेचा वर्धापन दिल साजरा झाला. यावेळी उद्धव ठाकरे यांनी राज ठाकरे आणि मनसेचे नाव न घेता त्यांनी भाजपला पाठिंबा दिल्याबद्दल त्यांच्यावर जोरदार टीका केली होती.
याला अमित ठाकरे यांनी प्रत्युत्तर दिले होते. आता यावर अदित्य ठाकरे यांनीही पलटवार केला आहे.
उद्धव बाळासाहेब ठाकरे शिवसेनेचा 58 वा वर्धापदन दिन ष्मुखानंद सभागृहात पार पडला होता. त्यावेळी केलेल्या भाषणात उद्धव ठाकरे यांनी मनसेने भाजप आणि महायुतीला पाठिंबा दिल्याबद्दल राज्य ठाकरे यांच्यावर नाव न घेता टीका केली होती. त्यावेळी ठाकरे म्हणाले होते की, काही पक्षांनी लोकसभा निवडणुकीत भाजपला बिनशर्ट पाठिंबा दिला होता.
अमित ठाकरे यांनी उद्धव ठाकरेंद्या बिनशर्त पाठिंब्याचा मुद्दा पकडत अदित्य ठाकरे यांच्यावर टीका केली. ते म्हणाले, "आम्ही विधानसभेला अदित्य ठाकरे यांनाही पाठिंबा दिला होता. पण गेल्या चार-साडोचार वर्षांत त्यांनी काम केलेले नाही. कोव्हिड काळातही त्यांनी काहीच काम केले नाही. तुम्ही लोकांशी चर्चा केली तर त्यांच्याकडूनही तुम्हाला हेच पाहायला मिळेल. त्यामुळे अशा अपेक्षेने आम्ही विधानसभा निवडणुकीत त्यांना पाठींबा नव्हता दिला."
अदित्य ठाकरे यांनी 2019 मध्ये वरळीतून विधानसभा निवडणूक लढवली होती. त्यावेळी राज ठाकरे यांच्या मनसेने तेथे उमेदवार उभा न करत अदित्य ठाकरेंना पाठींबा दिला होता.
अमित ठाकरे यांच्या पाठिंब्याच्या विधानानंतर आमदार अदित्य ठाकरे यांनीही पलटवार केला आहे. ते म्हणाले, "मी सुपारीवाल्या पक्षांबाबत बोलणार नाही. कारण काही पक्ष असतात निवडणुका आल्यानंतर बाहेर येता स्टंट करतात आणि जातात."
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
