मुंबई - एकनाथ शिंदे यांच्या बंडखोरीविरोधात शिवसेनेकडून आदित्य ठाकरे यांनी शिवसंवाद यात्रा काढली आहे. राज्यभर ते दौरा कऱणार असल्याचं स्पष्ट झालं असताना आता आदित्य यांच्या दौऱ्याला एकनाथ शिंदे गटाकडून प्रत्युत्तर देण्यात येणार आहे. आमदार प्रताप सरनाईक यांचे पुत्र पूर्वेश सरनाईक हे आदित्य यांना प्रत्युत्तर देणार आहे. (Aditya Thackeray news in Marathi)
आदित्य ठाकरे यांच्याबरोबर काम करून शिंदे गटात गेलेले पुर्वेश सरनाईक यांच्या नेतृत्वातील राज्य दौरा आदित्य यांच्या शिवसंवाद यात्रेला उत्तर देणार आहे. आदित्य यांना शह देण्यासाठी सरनाईक यांच्या दौऱ्याकडे पाहिलं जात आहे.
बंडखोर आमदारांमध्ये प्रताप सरनाईक यांचा देखील समावेश आहे. प्रताप सरनाईक यांची ईडीकडून चौकशी झाली आहे. तर त्यांचे पुत्र पुर्वेश सरनाईक यांना देखील ईडीची नोटीस आल्याचं सांगण्यात आलं होतं. मात्र आता दोघे पिता-पुत्र एकनाथ शिंदे गटात सामील झाले असून शिंदे गटाकडून पूर्वेश सरनाईक यांच्या नेतृत्वात राज्यभर दौरा काढण्यात येणार आहे.
पूर्वेश सरनाईक युवासेनेचे सचिव होते. मात्र त्यांनी गेल्याच आठवड्यात युवासेनेला जय महाराष्ट्र करत शिंदे गटात प्रवेश केला. तसेच युवासेना पदाचा राजीनामा दिला होता. पूर्वेश हे नगरसेवक देखील होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
