ज्येष्ठ वकील डॉ बिरेंद्र सराफ यांची महाराष्ट्र राज्याचे महाधिवक्ता म्हणून नियुक्ती झाली आहे. राज्याचे नवे महाधिवक्ता म्हणून ज्येष्ठ वकील बिरेंद्र सराफ यांच्या नियुक्तीला राज्यपाल भगतसिंह कोश्यारी यांनी मंजुरी दिली आहे.
महाधिवक्ता आशुतोष कुंभकोणी यांनी दिलेला राजीनामा राज्य सरकारने स्विकारला असून मंत्रिमंडळ बैठकीत सराफ यांच्या नावाची शिफारस करण्यात आली. त्यानंतर राज्य सरकारकडून बिरेंद्र सराफ यांचे नाव महाधिवक्तापदी निश्चित करण्यात आले. आज राज्यपालांनी सराफ यांच्या नियुक्तीला मंजुरी दिली.
सराफ गेल्या 25 वर्षांपासून मुंबई उच्च न्यायालयात प्रॅक्टिस करत आहेत, मुंबईच्या शासकीय विधी महाविद्यालयातून त्यांनी पदवी प्राप्त केली आणि पदवीच्या तीनही वर्षात मुंबई विद्यापीठात ते अव्वल होते.
कनिष्ठ वकील म्हणून त्यांनी विद्यमान सरन्यायाधीश डीवाय चंद्रचूड यांच्या चेंबरमध्ये काम केले. तर सराफ यांची 2020 मध्ये ज्येष्ठ वकील म्हणून नियुक्ती करण्यात आली होती. त्यांनी सहा वर्षे बॉम्बे बार असोसिएशनचे सचिव म्हणून काम केले आणि सध्या ते उपाध्यक्ष आहेत.
बिरेंद्र सराफ यांनी त्याच्या कारकिर्दीत, त्यांनी अनेक हाय-प्रोफाइल आणि वादग्रस्त प्रकरणे हाताळली आहेत. बॉलिवुड अभिनेत्रीच्या घरावर मुंबई महानगरपालिकेकडून करण्यात आलेल्या कारवाई प्रकरणात सराफ यांनी कंगनाची बाजू मांडली होती. तसेच आर्यन खान ड्रग प्रकरणादरम्यान यापूर्वी नार्कोटिक्स कंट्रोल ब्युरोचे प्रमुख असलेले आयआरएस अधिकारी समीर वानखेडे यांचे वडील ज्ञानदेव वानखेडे यांचेही त्यांनी प्रतिनिधित्व केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
