सबस्क्राईब करा
अजित पवारांच्या बंडानंतर राष्ट्रवादी काँग्रेसकडून सावध पवित्रा घेण्यात येत आहे. पक्षातील राष्ट्रवादी कार्यकर्ते आणि पदाधिकारी प्रतिज्ञापत्र भरून घेण्यात येणार आहेत. या प्रतिज्ञापत्राचा फॉरमॅट देखील पक्षाकडून जागीर करण्यात आला आहे. ५ जुलै रोजी बोलावण्यात आलेल्या महत्वाच्या बैठकीआधी राष्ट्रवादी काँग्रेसपक्षाकडून पदाधिकारी कार्यकर्ते संघटनामध्ये प्रतिज्ञापत्र भरून घेण्याची तयारी सुरू आहे.
अजित पवारांनी बंड केल्यानंतर शरद पवारांनी पुन्हा पक्ष उभारणीला सुरूवात केली आहे. त्याचाच भाग म्हणून शरद पवार आज कराड दौऱ्यावर आहेत. येथे त्यांनी दिवंंगत माजी मुख्यमंत्री यशवंतराव चव्हाण यांच्या समाधीचे दर्शन घेतले.
तसेच शरद पवार यांनी यांनी येत्या बुधवार, ५ जुलै रोजी, दुपारी १ वाजता, यशवंतराव चव्हाण सेंटर, मुंबई येथे पक्षाची बैठक देखील आयोजित केली आहे. या बैठकीला पक्षातील सर्व नेते व पदाधिकाऱ्यांना उपस्थित राहाण्याचे आदेश देण्यात आले आहेत. या बैठकीत शरद पवार उपस्थित कर्मचाऱ्यांना काय मार्गदर्शन करतील याकडे सर्वांचे लक्ष लागले आहे.
तर दुसरीकडे, अजित पवार यांच्या गटाकडून देखील ५ जुलै रोजीच सर्व समर्थक आमदार आणि पदाधिकाऱ्यांची बैठक मुंबईतच बोलवण्यात आल्याचे सांगण्यात येत आहे. ५ तारखेला मेळावा घेण्याच्या तयारीत अजित पवार गट असल्याची माहिती समोर आल्यानंतर आता राज्यातील दोन दिग्गज नेत्यांमध्ये सामना रंगणार असल्याची चर्चा आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
