Ajit Pawar: अजित पवारांनी त्यांच्या ट्विटर बायोमध्ये कोणता मोठा बदल केला जाणून घ्या

राष्ट्रवादीचे नेते अजित पवार यांनी आज राज्याच्या उपमुख्यमंत्रिपदाची शपथ घेतली आहे. राजभवनातील दरबार हॉलमध्ये आज उपमुख्यमंत्रिपदाची शपथ विधी सोहळा पार पडला आहे. आज अजित पवारांनी विरोधी पक्ष नेत्याचा राजीनामा देत उपमुख्यमंत्रिपदाची शपथ घेतली. (Latest Marathi News)

त्यानंतर अजित पवार यांनी आपल्या ट्विटर अकाऊंटच्या बायोमध्ये मोठा बदल केला आहे. अजित पवार यांनी आपल्या बायोमध्ये उपमुख्यमंत्री असा उल्लेख केला आहे. उपमुख्यमंत्री पदाची शपथ घेताच त्यांच्या अकाऊंटमध्ये हा बदल करण्यात आला आहे. त्याचबरोबर त्यांच्या अकाऊंटवरील हा बदल सध्या चर्चेचा विषय ठरला आहे.(Latest Marathi News)

अजित पवार यांना आज राज्यपाल रमेश बैस यांनी पद आणि गोपनीयतेची शपथ दिली आहे. त्यांच्यानंतर छगन भुजबळ, दिलीप वळसे पाटील. हसन मुश्रीफ, धनंजय मुंडे, धर्मराव बाबा अत्राम, आदिती तटकरे, संजय बनसोडे आणि अनिल पाटील यांनीही पद आणि गोपनीयतेची शपथ घेतली आहे. आज एकूण 9 आमदारांनी पद आणि गोपनीयतेची शपथ घेतली. संध्याकाळपर्यंत किंवा उद्यापर्यंत या सर्व मंत्र्यांचे खाते वाटप करण्यात येणार आहे.(Latest Marathi News)

कोणी शपथ घेतली?

अजित पवार - उपमुख्यमंत्री

छगन भुजबळ - मंत्री

हसन मुश्रीफ - मंत्री

दिलीप वळसे पाटील - मंत्री

धनंजय मुंडे - मंत्री

अदिती तटकरे - मंत्री

अनिल भाईदास पाटील - मंत्री

बाबुराव अत्राम - मंत्री

संजय बनसोडे - मंत्री