Nilesh Rane: निलेश राणेंच्या निवृत्तीनंतर घडामोडींना वेग! मंत्री रविंद्र चव्हाणांशी समोपचाराची चर्चा? दोन्ही नेते फडणवीसांच्या दरबारी

भाजप नेते निलेश राणे यांनी काल राजकारणात निवृत्त होत असल्याचं जाहीर केलं, त्यानंतर आज मंत्री रविंद्र चव्हाण यांनी निलेश राणे यांची भेट घेतली आहे. या भेटीदरम्यान मंत्री रविंद्र चव्हाण यांनी निलेश राणे यांच्यामध्ये तब्बल ३ तास चर्चा झाली आहे.

काल भाजप नेते आणि माजी खासदार राजकारणापासून लांब जात असल्याचा निर्णय जाहीर केला, त्यानंतर राजकीय वर्तुळात चर्चेला उधाण आलं. दरम्यान आज मंत्री रविंद्र चव्हाण यांनी निलेश राणे यांची भेट घेतली, दोन्ही नेत्यांमध्ये ३ तास चर्चा देखील झाली.

निलेश राणे यांच्या निर्णयानंतर भाजपमध्ये देखील ते नाराज असल्याच्या चर्चा सुरू झाल्या होत्या. तर मी लवकरच माझी भुमिका जाहीर करेन असं निलेश राणे यांनी सांगितलं आहे. मी कोणावरही नाराज नसल्याचं त्यांनी म्हटलं आहे.

थोड्याच वेळात राणे-चव्हाण फडणवीसांच्या भेटीला जाणार

निलेश राणे आणि रविंद्र चव्हाण दोघे एकाच गाडीतून सागर बंगल्याकडे रवाना झाले आहेत. दोघे सागर बंगल्यावर देवेंद्र फडणवीस यांची भेट घेणार आहेत. निलेश राणे रविंद्र चव्हाण यांच्यावर नाराज असल्याच्या चर्चा सुरू होत्या.