Ajit Pawar News: पहाटेची शपथविधी ही पवारांची खेळी असू शकते असं वक्तव्य राष्ट्रवादी नेते जयंत पाटील यांनी केलं होते. त्यामुळे राजकीय वर्तुळात एकच खळबळ उडाली होती. यामुळे राजकीय वर्तुळात उलटसुलट चर्चा सुरू झाली आहे.
जयंत पाटील यांनी प्रतिक्रिया दिल्यानंतर त्यांची मोठी अडचण झाल्याचे चित्र निर्माण झाले होते. त्यामध्ये अजित पवार यांच्या भूमिकेवरही यानिमित्ताने शंका घेतली जात आहे.
दरम्यान यावर बोलण्यात अजित पवार यांनी नकार दिला. बीड दौऱ्यावर जाताना विरोधी पक्षनेते अजित पवार यांनी आज (शुक्रवार) जालना येथील माजी आरोग्यमंत्री आमदार राजेश टोपे यांच्या निवास्थानी भेट दिली. यावेळी तो बोलत होते.
प्रत्येकाला व्यक्ती स्वतंत्र आहे. त्यामुळे कोणी काय बोलावे हा ज्याचा त्याचा अधिकार आहे. मात्र, बोलताना कोड्यात बोलू नका. लोकांना कळेल असे स्पष्ट बोला, असा सल्ला विरोधी पक्षनेते अजित पवार यांनी भाजप नेत्यांचे नाव न घेता दिला आहे.
यावेळी उपमुख्यमंत्री देवेंद्र फडणवीस यांना अडकवण्याचा प्लॅन करणाऱ्या मास्टर माईंडचे नाव लवकरच जाहीर करणार असल्याचे भाजप नेते आशिष शेलार यांनी म्हटले होते. यावर पत्रकारांनी विचारले असता, अजित पवार म्हणाले, की मी अडीच वर्षे उपमुख्यमंत्री असताना माझ्या स्तरावर अशी कोणती चर्चा किंवा निर्णय घेण्यात आला नाही.
परंतु, त्यांनी काही म्हटले की आम्हाला त्यावर प्रश्न केला जातो. देशात प्रत्येकाला व्यक्ती स्वतंत्र आहे. त्यामुळे कोणी काय बोलावे हा ज्याचा त्याचा अधिकार आहे. परंतु , बोलताना कोड्यात न बोलता स्पष्ट बोलावे तर लोकांना ही कळेल असे सल्ला ही यावेळी अजित पवार यांनी नाव न घेता भाजप नेते आशिष शेलार यांना दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
