तुम्ही मुख्यमंत्री-उपमुख्यमंत्री व्हायचं अन् बाकीच्यांच काय? अजित पवार संतापले

पिंपरी - राज्यात मोठ्या प्रमाणात महिला अत्याचाराच्या घटना वाढल्या आहे. याकडे लक्ष देण्यासाठी सरकारमधील कोणाही नाही म्हणत विरोधी पक्षानेते अजित पवार यांनी एकनाथ शिंदे सरकारवर जोरदार हल्लाबोल केला. राज्याच्या मुख्यमंत्र्यांनी सचिवांनी अधिकार देण्याचे आदेश काढण्यावर अजित पवार यांनी कडाडून टीका केली. (Ajit Pawar news in Marathi)

अजित पवार म्हणाले की, मुख्यमंत्री शिंदे यांनी राज्याच्या सचिवांना अधिकार देण्याचे आदेश काढले. हे आदेश ४ ऑगस्टचे आहे. ही अवस्था आहे. जिल्हा परिषदा, महापालिकांच्या मुदती संपल्या आहेत. डॉ. बाबासाहेब आंबेडकर यांनी घटनेच्या माध्यमातून जे काही संविधान, कायदा, नियम केले, त्यातून भारत एकसंध राहिला आहे. मात्र इथं निवडणुका होऊ दिल्या जात नसल्याची खंत अजित पवार यांनी व्यक्त केली.

पवार पुढं म्हणाले की, कोर्टाने सांगितंल की, निवडणुका घ्या. काही जण म्हणतात यांना फेब्रुवारीमध्ये निवडणुका घ्यायच्या. पिंपरी महापालिका, पुणे महापालिका आणि पुणे जिल्हा परिषदेत जागा वाढल्या होत्या. त्या कमी करण्याचा निर्णय घेतला. तुम्ही दोघांना मुख्यमंत्री, उपमुख्यमंत्री व्हायचं. बाकीच्यांना प्रतिनिधीत्व द्यायच नाही. तिथं अधिकार सचिवांना द्यायचे. हे कस जमणार, तुम्ही लोकशाहीचा मुडदा पाडल्याचं म्हणत अजित पवार यांनी संताप व्यक्त केला.