सबस्क्राईब करा
नवी दिल्ली : राष्ट्रवादी पक्ष कोणाचा यासाठी केंद्रीय निवडणूक आयोगासमोर सुनावणी सुरू आहे. पक्ष आमचाच हे सिद्ध करण्यासाठी शरद पवार आणि अजित पवार गट एकमेकांसमोर उभे ठाकले आहेत. यादरम्यान शरद पवार गटानंतर आता अजित पवार गटाची लोकसभा अध्यक्ष आणि राज्यसभा सभापती यांच्याकडे शरद पवार गटातील सदस्यांना अपात्र करा या मागणीसाठी याचिका दाखल केला आहे.
ही याचिका दाखल करताना अजित पवार गटाची नवी खेळी केल्याचे समोर आले आहे. अजित पवार गटाकडून शरद पवार, सुप्रिया सुळे आणि अमोल कोल्हे यांचं नावे मात्र या याचिकेतून वगळली आहेत. शरद पवार, सुप्रिया सुळे यांच्यावर कारवाई केल्यास या दोन्हीं नेत्यांना सहानभुती मिळू शकते त्यामुळं या दोघांची नावे वगळल्याची सूत्रांची माहिती आहे.
तर अमोल कोल्हे यांनी शरद पवार गटाला प्रतिज्ञापत्र दिल्यानं त्याचं नाव वगळले असून अजित पवार गटाकडून आपल्याकडे लोकसभेत 2 सदस्य असल्याचा दावा करण्यात आला आहे. राज्यसभेतील शरद पवार वगळता वंदना चव्हाण आणि फौजिया खान यांचं सदस्यत्व रद्द करण्याची मागणी या याचिकेतून करण्यात आली आहे. तर लोकसभेत श्रीनिवास पाटील, मोहम्मद फैजल यांचे सदस्यत्व रद्द करण्याची मागणी अजित पवार गटाने केली आहे.
दरम्यान कालच शरद पवार गटाच्या खासदारांनी राज्यसभा सभापती जगदीप धनखड यांची भेट घेत खासदार प्रफुल पटेल यांच्याविरोधात अपात्रतेची कारवाई करण्याची मागणी केली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
