Devendra Fadnavis: "अविवाहित राहणं पसंत करेल पण राष्ट्रवादीसोबत..."; देवेंद्र फडणवीसांचा तो व्हिडीओ व्हायरल

Devendra Fadnavis: महाराष्ट्राच्या राजकारणात पुन्हा एकदा शिंदे यांनी केलेल्या बंडाची दृश्याची पुनरावृत्ती झाली आहे. गेल्या वर्षी जूनमध्ये एकनाथ शिंदे यांनी त्यांच्या समर्थक आमदारांसह उद्धव ठाकरे यांच्या नेतृत्वाखालील शिवसेनेविरोधात बंड केले. त्यानंतर महाराष्ट्रातील महाविकास आघाडीचे सरकार पडले.

भाजपसोबत मिळून एकनाथ शिंद यांनी त्यांच्या समर्थक आमदारांसह नवीन सरकार स्थापन केले. त्यानंतर एकनाथ शिंदे यांनी शिवसेना आणि उद्धव ठाकरे यांच्याकडून निवडणूक चिन्ह हिसकावून घेतले. आता वर्षभरानंतर पुन्हा त्याच दृश्याची पुनरावृत्ती अजित पवारांनी राष्ट्रवादीसोबत केली आहे. अजित पवारांनी त्यांच्या समर्थक आमदारांसह शरद पवार यांच्या विरोधात बंड केले आणि शिंदे सरकारमध्ये सामील झाले.

अजित पवार यांनी राष्ट्रवादी पक्ष आणि चिन्हावर देखील दावा केला आहे. एकनाथ शिंदे सरकारमध्ये सामील झाल्यानंतर उपमुख्यमंत्री अजित पवार यांनी राष्ट्रवादी काँग्रेस पक्ष आणि निवडणूक चिन्हावर दावा केला आहे. 40 हून अधिक आमदार आपल्या समर्थनार्थ असल्याचा दावा त्यांनी केला आहे. अजित पवार यांचे बंडामागे भाजपमधील चाणक्य देवेंद्र फडणवीस यांचा हात असल्याची चर्चा राजकीय वर्तुळात आहे. (Ajit Pawar NCP News)

दरम्यान देवेंद्र फडणवीस यांचा एक जुना व्हिडीओ व्हायरल होत आहे. फडणवीस यांनी राष्ट्रवादी काँगेससोबत कधीही युती करणार नसल्याचे सांगितले होते.

काय म्हणाले देवेंद्र फडणवीस?

"राष्ट्रवादी काँग्रेससोबत भाजपची युती होण शक्य नाही. नाही, नाही..नाही..नाही. आपत धर्म नाही, श्वासत धर्म नाही. एक वेळ रिकामे राहू, एकवेळ सत्तेशिवाय राहू. मला कुणीतरी विचारल तुमचा विवाह होणार आहे का? मी सांगितलं अविवाहीत राहणं पसंत करेल पण राष्ट्रवादी काँग्रेससोबत जाणार नाही."