मुंबई- राष्ट्रवादी काँग्रेस अजित पवार गटाचे विधानसभा निवडणुकीच्या पार्श्वभूमीवर नवे गाणे प्रदर्शित झाले आहेत. राष्ट्रवादी काँग्रेसच्या अधिकृत सोशल मीडिया हँडलवर हे गाणं शेअर करण्यात आलं आहे. गाण्याचे नाव 'दादाचा वादा' असं आहे. गाणं चांगलं असून लोकांना ते आवडेल अशी अपेक्षा पक्षाकडून व्यक्त केली जात आहे.
अजित पवारांच्या 'एक्स' हँडवर देखील हे गाणं शेअर करण्यात आलं आहे. सांगून आलोया थांबायचं नाय आता, जिंकायचं हाय म्हणजे जिंकायचं हाय, गुलाल आपलाच उधळायचा तोवर, मागं पुढे आता बघायचं नाय... धडाधडा काम सपाट्याचा आता वेग धरा, धराधराधरा आता ध्यास आता एक धरा... जोश धगधगता अंगात रगरगता, ऐकणार नाय कुणा आता... असे गाण्याचे बोल आहेत.
