पुणेः मागच्या दोन आठवड्यांपासून अजित पवारांची राज्याच्या राजकारणामध्ये तुफान चर्चा आहे. आज पवार पुणे दैऱ्यावर आहेत. एका कार्यकर्त्याने नवीन घेतलेल्या दुचाकीवरुन एक मिश्किल टिपण्णी पवारांनी केली अन् एकच हशा पिकला.
अजित पवार भाजपच्या वाटेवर असल्याच्या बातम्या सध्या माध्यमांमधून सुरु आहेत. त्याला संजय राऊतांच्या रोखठोकमधील लेखही कारणीभूत ठरला. मात्र अजित पवारांनी भाजप प्रवेशाच्या वावड्या असल्याचं म्हणून संजय राऊतांचं नाव न घेता त्यांच्यावर टीका केली.
हेही वाचाः संतुलित आहारातून रोखा फॅटी लिव्हरचा आजार
संजय राऊतांनी जशात तसं उत्तर देऊन वाद भडकवला. आज 'कोण संजय राऊत?' असं म्हणून त्यांनी राऊतांना चिमटा काढला आहे. राज्यात अजित पवारांवरुन राजकारण पेटलेलं असतांना दुसरीकडे मात्र त्यांनी पुण्यात कार्यकर्त्यांमध्ये हास्यविनोद केले.
त्याचं झालं असं की, पुण्यात एका कार्यकर्त्याची नवीन गाडीची अजित पवारांनी पाहाणी केली. त्या गाडीला एकच सीट होतं. गाडी बघितल्यानंतर त्यांनी '...पण एकच सीट' अशी टिपण्णी केली. उपस्थितांनी 'सिंगल सीट आहे' अशी माहिती दिली. त्यावर पवारांनी 'मैत्रिणीला न्यायचं असेल तर?' अशी टिपण्णी केली. त्यावर एकच हशा पिकला.
अजित पवार हे नर्मविनोद आणि हजरजबाबीपणासाठी ओळखले जातात. जाहीर सभांमध्ये ते कधी कार्यकर्त्यांचे कान पिळतात तर कधी विनोदाने त्याची टोपी उडवतात. आजही पुण्यात त्यांच्या उपस्थितीत हास्यविनोद झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
